Saif Ali Khan : प्रचंड पैसा, आलिशान Cars, मग सैफला रिक्षातून हॉस्पिटलमध्ये नेण्याची वेळ का आली?

सैफ अली खानवर 16 जानेवारीला एका चोराने घरात घुसून हल्ला केला. सैफवरील हल्ल्याच्या या बातमीने त्याचे कुटुंबीयच नाही, तर मुंबईत राहणारे अन्य कलाकारही अस्वस्थ झाले आहेत. सैफ अली खानला भोसकण्यात आलं. चाकूचे अनेक वार त्याच्यावर झाले. त्यामुळे त्याच्या शरीरातून मोठ्या प्रमाणात रक्तस्त्राव सुद्धा झाला. त्याला तात्काळ वांद्र्याच्या लिलावती रुग्णालयात नेण्यात आलं. आता सैफ अली खानच्या प्रकृतीला धोका नाहीय. तो रिकव्हर होतोय. आता ही माहिती समोर आलीय की, सैफला त्याचा मोठा मुलगा इब्राहिम अली खान रुग्णालयात घेऊन गेला. खास बाब म्हणजे इब्राहिम ऑटो रिक्षामधून वडिल सैफ यांना रुग्णालयात घेऊन गेला. आता यातून काही प्रश्न निर्माण झालेत. खान कुटुंबाकडे गाडी नव्हती का? इब्राहिमला ड्रायव्हिंग करता येत नाही का?

रिपोर्ट्नुसार रक्ताच्या थारोळ्यात कोसळलेल्या अब्बू सैफला, इब्राहिम ऑटो रिक्षामध्ये टाकून रुग्णालयात घेऊन आला. सैफ बरोबर ही घटना घडल्यानंतर इब्राहिमला फोन करुन बोलवण्यात आलं. असंही म्हटल जातय की, करीना कपूर त्यावेळी घरी नव्हती. करीना कपूर त्यावेळी घरी होती की नाही? या प्रश्नाच उत्तर अजून मिळालेलं नाही. करीनाच्या इन्स्टा स्टोरीवरुन तिची मैत्रिणींसोबत पार्टी सुरु असल्याचा अंदाज लावला जातोय. घरात सैफ सोबत तैमूर आणि जेह दोघे होते.

म्हणून ऑटो रिक्षा मागवली

अब्बू सैफवर झालेल्या हल्ल्याची माहिती मिळताच इब्राहिम लगेच तिथे पोहोचला. त्यांना रुग्णालयात नेण्याची तयारी केली. रिपोर्ट्नुसार त्यावेळी कार तयार नव्हती, ड्रायव्हर नव्हता. म्हणून इब्राहिमने ऑटो रिक्षा मागवली व त्यात टाकून वडिलांना तो रुग्णालयात घेऊन गेला. लोक असही म्हणतायत की इब्राहिम स्वत: कार चालवून वडिलांना रुग्णालयात घेऊन जाऊ शकला असता.

ड्रायव्हिंग का नाही केली?

असं नाहीय की, सैफचा मोठा मुलगा इब्राहिमला ड्रायव्हिंग येत नाही. तो ड्रायव्हिंग करतो. अनेकदा तो पलक तिवारी सोबत दिसलाय. तो स्वत: ड्रायव्हिंग करतो. यावरुन एक गोष्ट स्पष्ट होते, तो ड्रायव्हिंग करु शकतो. कदाचित परिस्थिती पाहून त्याने त्यावेळी ड्रायव्हिंग न करण्याचा निर्णय घेतला असावा. काही असं कारण असेल की ज्यामुळे त्याला वडिलांना रिक्षामधून रुग्णालयात न्यावं लागलं.