झी मराठी वाहिनीवरील 'नवरी नवरी मिळे हिटलरला' या मालिकेत लीला आणि एजेचं नातं एका वेगळ्या वळणावर येऊन पोहोचलं आहे. लीला घरी कबूल करते की तिला स्वयंपाक येत नाही, त्यामुळे एजे तिला खीर बनवायला शिकवतो.
लीलाच्या सासरी तिचे कुटुंबीय आले असता दुर्गा त्यांचा अपमान करते. लीला ती खीर अंतराच्या फोटोसमोर ठेवते, ज्यामुळे एजे नाराज होतो. लीला एजेला समजावून सांगते की, "अंतरा माझ्यासाठी मैत्रिणीसारखी आहे, खीर तिच्यासमोर ठेवणं योग्य वाटतं."
एजे तिच्या सकारात्मक दृष्टिकोनाचं कौतुक करतो. इकडे लीला माहेरी गेली असताना कालिंदी तिला एका गुप्त खोलीत घेऊन जाते. एजेसुद्धा लीलाच्या माहेरी आला आहे. तिथे त्याला त्याला गुप्त खोलीबद्दल कळतं.
दुसरीकडे, लीला एजेला समोर बघून आनंदी आणि समाधानी आहे. एजे विचारात आहे की "लीलाच्या हसऱ्या चेहऱ्यामागे किती गोष्टी लपलेल्या आहेत?" यामुळे तो अधिक अस्वस्थ झाला आहे.
एजे, अंतराच्या फोटोसमोर उभा राहून "मला लोकांना समजण्यात कधीच अपयश आलं नाही, पण लीलाच्या बाबतीत काहीतरी चुकतंय", असं म्हणतो. सकाळी आजी रेवतीसाठी लीलाला बांगड्या देते, ज्यामुळे लीला आनंदित होते. पण एजेला त्या बांगड्या बघून आठवतं की त्याने त्या अंतरासाठी घेतल्या होत्या.
लीला एजेसाठी कॉफी बनवण्यासाठी स्वयंपाकघरात जाते, तिकडे दुर्गा तिला म्हणते, "एजेचं प्रेम तुला कधीच मिळणार नाही." यावर लीला तिला उत्तर देते की, "आज नाही तर उद्या, सगळं बदलणार आहे."
About The Author
Comment List