टेलिव्हिजनच्या जगातील प्रेक्षकांचा सर्वात आवडता शो ‘तारक मेहता का उल्टा चष्मा’ सध्या नकारात्मक कारणांमुळे चर्चेत आहे. या शोची कथा सध्या कलाकार आणि निर्मात्यांच्या भांडणामुळे चर्चेत आहे. तारक मेहता का उल्टा चष्मामध्ये जेठालाल चंपकलाल गडा यांची भूमिका साकारणारे दिलीप जोशी आणि शोचे निर्माते असित कुमार मोदी यांच्यात कडाक्याचे भांडण झाल्याची बातमी समोर आली आहे.
दोघांमध्ये भांडण हे फी किंवा पैशावरून नसून रजेवरून असल्याचे बोलले जात आहे. रजेबाबत दोघांमध्ये जोरदार वादावादी झाल्याचे वृत्त आहे. शोच्या जवळच्या एका सूत्राने सांगितले की दिलीप जोशी म्हणजेच जेठालाल यांनी असित मोदी यांना शोमधून काही दिवसांची रजा मागितली होती, परंतु निर्मात्याने त्यावर काहीही उत्तर दिले नाही. या प्रकाराने जेठालाल चांगलाच संतापले. त्यांच्यात बाचाबाची झाल्याचे वृत्त आहे.
एका सूत्राने वेबसाइटला सांगितले की, तो दिवस कुश शाहच्या शूटिंगचा शेवटचा दिवस होता. इथे दिलीप जोशी निर्मात्यांची येण्याची वाट पाहत होते आणि त्यांच्या सुट्ट्यांबद्दल त्यांच्याशी बोलले, पण ते आले आणि थेट कुशला भेटायला गेले. यावरून दिलीप जोशी संतापले. आणि त्यांच्यात जोरदार वादावादी झाली.
एवढेच नाही तर भांडण इतके वाढले की दिलीप जोशी यांनी त्यांची कॉलर पकडून शो सोडण्याची धमकीही दिल्याचे बोलले जात आहे. याआधीही दोघांमध्ये अशीच परिस्थिती झाल्याचे बोलले जात आहे. या शोच्या हाँगकाँगच्या ट्रीपच्या शूटिंगदरम्यान दोघांमध्ये खूप भांडण झाले होते, पण त्यादरम्यान गुरचरण सिंग सोधीने दोघांची समजूत घातली आणि दोघांना शांत केले.
‘तारक मेहता का उल्टा चष्मा’ गेल्या 16 वर्षांपासून यशस्वीपणे लोकांच्या मनात स्थान राखून आहे. दिलीप जोशी पहिल्या दिवसापासून या शोचा भाग आहेत. दिशा वकानी, राज अनाडकट, भव्य गांधी, गुरुचरण सिंह आणि जेनिफर मिस्त्री यांच्यासह शोमधील अनेक महत्त्वाच्या सदस्यांनी शो सोडला आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List