विधानसभा निवडणुकीची रणधुमाळी सुरू असतानाच भारतीय जनता पक्षाला सोलापूरमध्ये धक्का बसला आहे. दक्षिण सोलापूरचे माजी आमदार शिवशरण बिराजदार पाटील यांनी शिवसेना पक्षप्रमुख उद्धव ठाकरे यांच्या उपस्थितीमध्ये शिवसेनेमध्ये प्रवेश केला. यामुळे दक्षिण सोलापूरमध्ये शिवसेनेची ताकद वाढली आहे.
शिवसेनेमध्ये प्रवेश करताच शिवरशरण पाटील यांनी भाजपवर जोरदार टीका केली. भाजपमध्ये गेलो, ती माझी वाट चुकली होती. मी माझ्या घरी परत आलो, याचा आनंद होत आहे. शिवसेना प्रमुखांनी मला ताईत घातले होते आणि आज उद्धव साहेबांनी माझ्या हातात शिवबंधन बांधले, असले ते म्हणाले.
सोलापूरचे दोन्ही आमदार कामाचे नसून त्यांनी शहर भकास केले. दोन्ही देशमुखांच्या भांडणामध्ये शहर भकास झाले. आता दक्षिण सोलापूरमध्ये शिवसेनेचे आमदार करणअयासाठी मी इथे आलो असून माझा प्राण असेपर्यंत जनतेची सेवा करत राहणार, असेही ते म्हणाले.
Comment List