दीपावली सणाच्या निमित्ताने पंढरपूरच्या श्री विठ्ठल रुक्मिणी मंदिरामध्ये फुलांची सजावट करण्यात आली आहे. दिवाळी सणामध्ये विठुरायाचे दर्शन घेण्यासाठी भाविकांची मोठी गर्दी होते. विविध रंगाच्या आकर्षक फुलांच्या आरास केल्याने देवाचे गोजिरे रुप पाहून भाविक सुखावत आहेत.
या सजावटीसाठी पांढरी शेवंती अंदाजे 650 किलो, भगवा झेंडु अंदाजे 180 किलो, पिवळा झेंडू अंदाजे 250 किलो, पिंक फुले (कण्हेर) अंदाजे 35 किलो, अष्टर अंदाजे 300 किलो, हिरवा पाला अंदाजे 200 माळा, गुलाब 100 गड्डी, कमिनी 300 गड्डी, शेवंती 100 गड्डी इत्यादी फुलांचा वापर करण्यात आला आहे. सेवेकरी अर्जुन हनुमान पिंगळे, बीड यांनी सेवाभावी तत्वावर मोफत फुलांची आरास करून दिली आहे. या फुलांच्या सजावटीसाठी श्री फ्लावर्स पुणे यांच्या सुमारे 25 कामगारांनी परिश्रम घेतल्याचे कार्यकारी अधिकारी श्री राजेंद्र शेळके यांनी सांगितले.
दिवाळीच्या लक्ष्मीपूजनानिमित्त विठ्ठल दर्शनासाठी मोठ्या संख्येने भाविक येत असतात. या पार्श्वभूमीवर मंदिराची केलेली आकर्षक सजावट मनमोहक दिसून येत असून, या सजावटीमुळे संपूर्ण मंदिराचं रुपडं अधिक आकर्षक झालं आहे.
Comment List