अयोध्या-लखनऊ महामार्गावर तीन वाहनांचा भीषण अपघात, तीन ठार तर 15 जण जखमी

उत्तर प्रदेशातील अयोध्या येथे भीषण अपघाताची घटना घडली आहे. अयोध्या-लखनऊ महामार्गावर भरधाव ट्रकने ट्रॅव्हलरला जोरदार धडक दिली. यानंतर अजून एक कार त्यांना धडकली. यात कारमधील तिघांचा मृत्यू झाला तर अन्य 15 जण जखमी झाले. जखमींना उपचारासाठी नजीकच्या रुग्णालयात नेण्यात आले आहे.

अपघाताची माहिती मिळताच पोलीस आणि प्रशासकीय पथकाने घटनास्थळी धाव घेत मदतकार्य सुरू केले. अपघातग्रस्त वाहनांना रस्त्यावरून हटवून वाहतूक सुरळीत करण्यात आली.

जखमींपैकी दोघांची प्रकृती गंभीर आहे. दोघांना रुदौली सीएचसी येथे प्राथमिक उपचार करून पुढील उपचारासाठी जिल्हा रुग्णालयात दाखल करण्यात आले. काही जखमींवर उपचार करून त्यांना घरी सोडण्यात आले तर काहींवर रुग्णालयात उपचार सुरू आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.