बलात्काराच्या प्रयत्नात होता तरुण, माकडांनी वाचवले सहा वर्षांच्या मुलीचे प्राण; वाचा सविस्तर…

देशात बलात्कार आणि विनयभंगाच्या घटना रोज घडतच आहेत. असाच प्रसंग एका सहा वर्षांच्या मुलीवर आला होता. मात्र माकडांचा कळप अचानक घटनास्थळी आल्यामुळे आरोपीने मुलीला तिथेच सोडले आणि पळ काढला.

उत्तर प्रदेशातील बागपत जिल्ह्यातील एका गावामध्ये हा सर्व प्रकार घडला आहे. मिळालेल्या माहितीनुसार, आरोपी तरुणाने अल्पवयीन मुलीला फुस लावली आणि सोबत एका टॉवरवर घेऊन गेला. त्यानंतर त्याने मुलीचे कपडे फाडले आणि बलात्कार करण्याचा प्रयत्न केला. मात्र, तितक्यात माकडांचं एक कळप भांडण करत टॉवरमध्ये दाखलं झालं. माकडांना पाहताच आरोपी घाबरला आणि त्याने मुलीला तिथेच सोडत घटनास्थळावरुन पळ काढला. याबद्दल कुठेही वाच्यता केल्याच जीवे मारून टाकीन अशी धमकी जाताजाता आरोपीने पीडित मुलीला दिली.

पीडित मुलीने सदर घटनेची माहिती कुटुंबीयांना दिली. त्यानंतर कुटुबीयांनी आरोपीविरोधात तक्रार दाखल केली आहे. पोलिसांनी सदर परिसरातील सीसीटीव्ही तपासून पाहिले असता, एक तरुण पीडित मुलीला सोबत घेऊन जात असल्याचं दिसतं आहे. त्या आधारावर पोलिसांनी तरुणाचा शोध घेण्यास सुरुवात केली आह.