Jalna News – मुरुम माफियांचा परतूरच्या महिला तहसिलदाराच्या पथकावर हल्ला, जिल्ह्यात खळबळ

जिल्ह्यात ऐकिकडे वाळू माफियांचा हैदोस सुरू आहे, तर दुसरीकडे आता मुरुम माफियांनीही आपले तोंड वर काढले आहे. धक्कादायक बाब म्हणजे जालना जिल्ह्यातील परतूरच्या तहसीलदार प्रतिभा गोरे यांच्या पथकावर मुरुन उत्खनन करणाऱ्या माफियांनी हल्ला केला आहे. या घटनेमुळे जिल्ह्यात खळबळ उडाली असून, याप्रकरणी तहसीलदार प्रतिभा गोरे यांनी पोलीस ठाण्यात तक्रार दाखल केली आहे.

प्रतिभा गोरे यांच्या फिर्यादीनुसार, 7 मार्च रोजी त्या खासगी वाहनाने अवैध गौनखणीज उत्खनन प्रतिबंधामक कार्यवाही करण्यासाठी गेल्या होत्या. याच दरम्यान रात्री 1 च्या सुमारास परतुरमधील इंदिरानगरच्या पुढे आबा रोडच्या डाव्या बाजुला एका जेसीबी उत्खनन करुन एका हायवात भरताना दिसून आली. त्यामुळे त्या ठिकाणी तहसीलदार गेल्या असत्या हायवा व जेसीबी चालकाने जेसीबी घेऊन पळ काढला. त्यानंतर पथकातील व्यंकट दडंवाडसह महसुल अधिकारी गणेश काळे महसूल सेवकाच्या मोबाईलवर फोन करुन बोलवले तेव्हा पाठलाग सुरू केला असता पारडगाव रोडला जेसीबीचे टायर खराब झाल्याने जेसीबी थांबला. तेव्हा जेसीबी ताब्यात घेण्यात आला. त्यानंतर परतूर पोलीस ठाण्यातील पोलीस निरीक्षकांना संपर्क साधून पोलीस पथक पाठवण्यास सांगितले. जेसीबीचे फोटो काढत असताना तेथे सहा ते सात आरोपींनी तहसीलदारांच्या हातातील मोबाईल हिसकावला व शिवीगाळ करत धक्काबुक्की केली व जेसीबी पळवून नेला. यात सहा ते सात लोकांनी हल्ला केला. तसेच सरकारी कामकाजात अडथळा निर्माण केला. याप्रकरणी सर्व आरोपींवर योग्य ती कायदेशीर करण्यात यावी, अशी मागणी तहसिलदारांनी केली आहे. दरम्यान याप्रकरणातील आरोपींची पोलिसांनी धरपकड सुरू केली आहे.