मध्य प्रदेशातील कुनो राष्ट्रीय उद्यानात मादी चित्ता वीरा हिने दोन बछड्यांना जन्म दिलाय. मध्य प्रदेशचे मुख्यमंत्री मोहन यादव यांनी सोशल मीडियावर पोस्ट करून ही गोड बातमी शेअर केलीय. ‘मध्य प्रदेशच्या भूमीवर चित्त्यांची संख्या सतत वाढत आहे. ही माहिती शेअर करताना मला खूप आनंद होत आहे. आज, मादी चित्ता वीराने दोन बछड्यांना जन्म दिला आहे. मध्य प्रदेशच्या भूमीवर चित्त्याच्या पिलांचे स्वागत आहे.
मी या लहान पिलांच्या आगमनाबद्दल राज्यातील जनतेचे मनापासून अभिनंदन करतो, असे मोहन यादव यांनी आपल्या ट्विटमध्ये म्हटले आहे. प्रकल्पाशी संबंधित सर्व अधिकारी, डॉक्टर आणि क्षेत्रीय कर्मचाऱ्यांचे अभिनंदन. ज्यांच्या अथक परिश्रमामुळे आज मध्य प्रदेशला ‘चित्त्यांची भूमी’ म्हणूनही ओळखली जाते. राज्यात चित्त्यांच्या संख्येत सातत्याने वाढ होत असल्याने, राज्यातील पर्यटनाला नवी चालना मिळत आहे, ज्यामुळे रोजगाराची नवी दारे उघडत आहेत. आम्ही चित्त्यांसह सर्व वन्य जिवांचे संवर्धन, संवर्धन आणि पुनर्संचयित करण्यासाठी नेहमीच तयार आहोत, असेही मोहन यादव यांनी म्हटलंय.
काहींचा मृत्यू, काही जगले
नोव्हेंबर 2024 मध्ये मादी चित्ता निर्वाने दोन बछड्यांना जन्म दिला होता. दोन्ही शावकांचे मृतदेह छिन्नविछिन्न अवस्थेत आढळले. आतापर्यंत ज्वाला चीताने आठ बछड्यांना जन्म दिला आहे. त्यापैकी तिघांचा मृत्यू झाला आहे.
मध्य प्रदेशातील कुनो राष्ट्रीय उद्यानात आवाज घुमला
कुनो उद्यानात सध्या 12 चित्ते आणि 12 पिल्ले आहेत. यातील वायू आणि अग्नी या नावाचे दोन बिबटे जंगलात फिरत आहेत, तर उर्वरित बिबट्यांना आणि त्यांच्या पिल्लांना एका मोठ्या कुंपणात ठेवण्यात आलेय. कुनोमध्ये याआधी निर्वा, ज्वाला, आशा आणि गामिनी या मादी चित्त्यांनी पिलांना जन्म दिलेला आहे.
आशाने तीन शावकांना जन्म दिला आहे. गामिनीने सहा पिलांना जन्म दिला. त्यापैकी दोघांचा मृत्यू झाला आहे.
Comment List