जेव्हापासून सलमान खानचा शो ‘बिग बॉस 18’ सुरू झाला, तेव्हापासून विवियन डिसेना हा ट्रॉफी जिंकण्याचा प्रबळ दावेदार असल्याची चर्चा सुरू आहे. शोच्या पहिल्याच दिवशी ‘बिग बॉस’नेही विवियन शो जिंकणार असल्याचं म्हटलं जात आहे. आता तो खरोखरच या शोचा विजेता ठरतो की नाही, याचे उत्तर आज म्हणजेच ग्रँड फिनालेमध्ये बघायला मिळणारच आहे.
2019 मध्ये त्याने इस्लाम धर्म स्वीकारला
‘बिग बॉस 18’ 15 आठवडे टीव्हीवर चालला. या शोमध्ये विवियन डिसेनाला कलर्स टीव्हीचा लाडका म्हटलं जात आहे. कारण ‘बिग बॉस’पूर्वीही विवियनने या वाहिनीवरील अनेक टीव्ही शोमध्ये काम केले होते. 2008 मध्ये ‘कसम से’ या टीव्ही शोमधून त्याने टीव्हीमध्ये पदार्पण केले. 28 जून 1988 रोजी मध्य प्रदेशातील उज्जैन येथे जन्मलेला विवियन ख्रिश्चन धर्माचा होता, परंतु 2019 मध्ये त्याने इस्लाम धर्म स्वीकारला.
विवियनच्या शिक्षणाबद्दल बोलायचं झालं तर ती 12वी पास आहे. त्याने मुंबईतील लोकमान्य टिळक हायस्कूलमधून शिक्षण घेतलं. त्यानंतर त्याने अभियांत्रिकी महाविद्यालयात प्रवेशासाठी मध्य प्रदेशची राज्यस्तरीय परीक्षा दिली. त्याने परीक्षाही उत्तीर्ण केली होती, पण नंतर त्याला मॉडेलिंगच्या जगात संधी मिळाली आणि मग तो मॉडेल बनला. त्याच दिशेने वाटचाल करताना त्याने अभिनयाचा मार्ग स्वीकारला.
विवियनने ‘शक्ति: अस्तित्व के एहसास की’, ‘मधुबाला: एक इश्क एक जुनून’, ‘सिर्फ तुम’ सारख्या अनेक टीव्ही शोमध्ये काम केले आहे. आज विवियन हे टीव्ही जगतातलं मोठं नाव आहे, पण जर तो अभिनयात नसता तर तो फुटबॉलपट्टू झाला असता. वयाच्या 10 वर्षापासून त्याला फुटबॉलमध्ये रस होता.
विवियन डिसेना याचं वैयक्तिक आयुष्य
विवियन डिसेनाने 2013 मध्ये ‘प्यार की एक कहानी’ टीव्ही शोचा को-स्टार वहबिज दोराबजीशी लग्न केले. मात्र, त्यानंतर 2021 मध्ये दोघांचा घटस्फोट झाला. 2022 मध्ये विवियनने इजिप्शियन पत्रकार असलेल्या नूरन अलीशी लग्न केलं. विवियन आणि नूरन यांची भेट एका मुलाखतीच्या निमित्तानं झाली होती, त्यानंतर दोघेही मित्र झाले आणि नंतर प्रेमात पडले आणि हे प्रेम अखेर लग्नापर्यंत पोहोचलं.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List