संतोष देशमुख यांच्या हत्या प्रकरणाच्या विरोधात यापुढे मोर्चा असेल तिथे वाल्मीक कराड आणि धनंजय मुंडे यांची प्रॉपर्टी जाहीर करणार, असा इशारा आज आमदार सुरेश धस यांनी दिला. विधानसभा निवडणुकीत बबन गीते हा परळीतून उमेदवार होतोय की काय या भीतीपोटीच त्याला बापू आंधळे हत्या प्रकरणात गुंतवून त्याचा काटा काढला, असा आरोप त्यांनी केला.
आकांना वरच्या आकांचा फुल सपोर्ट
“मी धनजंय मुंडे यांच्या राजीनाम्याची मागणी केलेली नाही. राष्ट्रवादी काँग्रेस पार्टीचे आमदार प्रकाश सोळंके यांनी तशी मागणी केली आहे. मी आका आणि आकांचे आका म्हणत होतो. पण मी आता स्पष्टपणे बोलतोय, मी धनंजय मुंडेंचा राजीनामा मागितलेला नाही. त्यांचा राजीनामा घेणे कोणाच्या हातात आहे?’’ असा प्रतिसवालही सुरेश धस यांनी केला.
माझाही सीडीआर काढा
संतोष देशमुख यांच्या हत्येच्या दोन दिवस आधी धस यांनी वाल्मीक कराडला पह्न केला होता, धस यांचाही सीडीआर तपासा असे राष्ट्रवादी काँग्रेसचे प्रवक्ते अमोल मिटकरी यांनी म्हटले होते. त्याबद्दल बोलताना धस यांनी, माझाही सीडीआर तपासा, तपासलाच पाहिजे. मी कराडला कशासाठी पह्न केला होता ते समोर येईल, असे स्पष्ट केले.
मुंडे-कराड पैसे बुडवणाऱ्यांच्या बाजूने
बँकाबाबत आरोप करताना सुरेश धस यांनी खाडे नावाच्या पोलीस अधिकाऱयाचेही नाव घेतले. खाडेच्या घरात दीड कोटी रुपये सापडले होते. त्या खाडेला वाचवायला वाल्मीक कराड पुढे होता, असे धस म्हणाले. पैसे बुडवण्याच्या प्रकरणांमध्ये खातेदारांच्या पाठीशी उभे राहण्याऐवजी वाल्मीक कराड आणि धनंजय मुंडे हे दोघेही पैसे बुडवणाऱयांच्या बाजूने राहिले. कराड हा चोरांचा, दरोडेखोरांचा साथीदार आहे, असे सुरेश धस म्हणाले.
Comment List