देशात सर्वात महाग वीज ही महाराष्ट्रात मिळते. यावरूनच राष्ट्रवादी काँग्रेस शरदचंद्र पवार पक्षाचे प्रदेशाध्यक्ष जयंत पाटील यांनी महायुती सरकारवर टीका केली आहे. X वर एक पोस्ट करत ते म्हणाले आहेत की, ”वीज बिलात 30 टक्के कपात करणार, असे महायुती सरकारमधील लोकं मागच्या चार ते पाच महिन्यांपासून म्हणत आहेत. 30 टक्के कपात सोडाच पण इतर राज्यांपेक्षा आपल्या महाराष्ट्रात सध्या वीज महाग मिळत आहे.”
जयंत पाटील म्हणाले की, राजस्थानमध्ये प्रति युनिटला 7.55 – 8.95 रुपये मोजावे लागत आहेत, तर मध्य प्रदेशमध्ये 3.34 ते 6.80 रुपये मोजावे लागत आहेत. शेजारच्या कर्नाटक राज्यात तर सरसकट प्रति युनिट 5.90 रुपये आहेत. सर्वात जास्त वीजदर म्हणजे प्रति युनिट 5.16 ते 17.79 रुपये महाराष्ट्रात मोजावे लागत आहेत.”
पाटील पुढे म्हणाले, ”वीज बिलात 30 टक्के कपात करणार, पाच वर्षे शेतकऱ्यांना मोफत वीज देणार, असे म्हणणारे आज प्रचंड बहुमताने सत्तेत बसले आहेत. सध्या राज्यात असलेले अवाढव्य वीजदर कमी करण्यात आता सरकारला कोणतीही अडचण नसावी.”
Comment List