दिल्ली विधानसभा निवडणूक स्वबळावर लढणार, केजरीवाल यांची घोषणा; काँग्रेस सोबत आघाडीची शक्यता फेटाळली

आगामी दिल्ली विधानसभा निवडणुकीसाठी आम आदमी पार्टीचे (आप) संयोजक आणि माजी मुख्यमंत्री अरविंद केजरीवाल यांनी आपली भूमिका स्पष्ट केली आहे. आगामी दिल्ली विधानसभा निवडणूक आम आदमी पार्टी स्वबळावर लढेल. काँग्रेससोबत आघाडीची कोणतीची शक्यता नाही, असे अरविंद केजरीवाल यांनी जाहीर केली आहे.

पुढच्या वर्षी दिल्ली विधानसभा निवडणूक होणार आहे. यासाठी निवडणुकीसाठी आम आदमी पार्टी आणि काँग्रेसची आघाडी होणार, अशी चर्चा सुरू होती. पण या चर्चांना अरविंद केजरीवाल यांनी पूर्णविराम दिला आहे. दिल्ली विधानसभा निवडणुकीसाठी आम आदमी पार्टी आणि काँग्रेस यांच्यात आघाडी होणार नाही, असे अरविंद केजरीवाल यांनी स्पष्ट केले आहे.

kerjiwal

अरविंद केजरीवाल यांनी ट्विट करून ही माहिती दिली. आम आदमी पार्टी दिल्ली विधानसभा निवडणूक स्वबळावर लढेल. काँग्रेस सोबत आघाडी करण्याची कुठलीही शक्यता नाही, असे अरविंद केजरीवाल यांनी ट्विटमध्ये म्हटले आहे.

दिल्ली विधानसभा निवडणुकीसाठी आम आदमी पार्टीने कंबर कसली आहे. आम आदमी पार्टीने निवडणुकीसाठी 20 उमेदवारांची दुसरी यादी सोमवारी जाहीर केली आहे. तर तीन आठवड्यांपूर्वी आम आदमी पार्टीने 11 उमेदवारांची पहिली यादी जाहीर केली होती.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.