Devendra Fadnavis : महायुतीचा मुख्यमंत्री कोण? देवेंद्र फडणवीस यांचं मोठं वक्तव्य, म्हणाले मी शर्यतीत…

महाराष्ट्र विधानसभा निवडणुकीनंतर महायुतीचे सरकार आल्यास मुख्यमंत्री पदाचा चेहरा कोण असेल यावर चर्चा सुरू आहे. काल टीव्ही 9 मराठीला दिलेल्या मुलाखतीत भाजपाचे राष्ट्रीय सरचिटणीस विनोद तावडे यांनी संख्याबळावर मुख्यमंत्री होईले असे सांगीतले. त्यांनी थेट संकेत दिले आहेत. तर यापूर्वीच्या सभेत केंद्रीय गृहमंत्री अमित शहा यांनी देवेंद्र फडणवीस हे मुख्यमंत्री होतील, असे जाहीर केले होते. तर आता देवेंद्र फडणवीस यांनीच मुख्यमंत्रीपदाबाबत मोठं भाष्य केलं आहे.

शरद पवारांच्या पत्रामुळे राष्ट्रपती राजवट

एका दैनिकाला दिलेल्या मुलाखतीत उपमुख्यमंत्री देवेंद्र फडणवीस यांनी मोठा गौफ्यस्फोट केला. राष्ट्रपती राजवट लागू करावी अशी पवारांची सूचना होती. त्याप्रमाणे या गोष्टी घडल्याचे फडणवीस म्हणाले. राष्ट्रपती राजवट लागू करण्यासाठी शरद पवार यांनी राज्यपालांना दिलेले पत्र हे महत्त्वाचं होतं. ते पत्र आपल्याच कार्यालयात टाईप करण्यात आलं होतं. या पत्रावर स्वाक्षरी करण्यापूर्वी पवारांनी त्यात काही बदल सूचवले होते, असा बॉम्बगोळा फडणवीस यांनी टाकला.