भाजपचा महाराष्ट्रद्वेष अनेकदा दिसून आला आहे. आता महाराष्ट्र आणि मुंबईचे लचके तोडण्यात येत आहे. त्यामुळे महाराष्ट्रविरोधी पक्षांना मदत करणे हेच भाजपचे राष्ट्रीय धोरण आहे, असा हल्लाबोल शिवसेना (उद्धव बाळासाहेब ठाकरे) नेते, खासदार संजय राऊत यांनी केला. आता महाराष्ट्र आणि मुंबईचे लचके तोडणाऱ्या फडणवीस आणि त्यांच्या गुजराती कंपूचा पराभव करण्याचे मराठी जनतेने निश्चित केले आहे. त्यामुळे विधानसभा निवडणुकीत भाजप आणि त्याचा कंपूचा पराभव निश्चित आहे, असा विश्वासही संजय राऊत यांनी व्यक्त केला.
जनतेने ठरवले होते की लोकसभेत फडणवीस आणि त्यांच्या कंपूचा पराभव करायचा आणि ते जनतेने करून दाखवले. आता विधानसभेलाही जनतेने फडणवीस आणि कंपूचा पराभव करण्याचे ठरवले आहे. त्यामुळे त्यांचा पराभव निश्चित आहे. हे सर्व जनभावनेमुळे होत असते. लोकशाहीत जनभावना महत्त्वाची असते. महाराष्ट्र आणि मुंबईचे लचके ताडणाऱ्या फडणवीस आणि त्यांच्या गुजराती कंपूचा पराभव करण्याचे जनतेने ठरवले आहे, हाच आमच्या मराठी जनतेचा आत्मविश्वास आहे, असेही संजय राऊत म्हणाले.
शिवसेनेची मते कापण्यासाठी उभे असणाऱ्या उमेदवारांना मदत करण्याचे भाजपचे धोरण आहे. महाराष्ट्रविरोधी पक्षांना मदत करण्याचे भाजपचे राष्ट्रीय धोरण आहे. बोगस आधारकार्डद्वारे बोगस नावे मतदारयादीत घुसवत बोगस मदतान करण्याचा उपक्रम भाजपने राबवला आहे, हे अंत्यत गंभीर आहे. याची तक्रार आम्ही वारंवार केली आहे. मात्र, त्याकडे दुर्लक्ष करण्यात येत आहे. निवडणुका जाहीर होण्याआधी महायुतीच्या आमदारांकडे 15 ते 20 कोटी रुपये आधीच पोलीस बंदोबस्तात पोहचले आहेत. हेलिकॉप्टरनेही पैसे पोहचवण्यात आले आहे. त्यामुळे आता जे पकडण्यात येत आहे, ती रक्कम किरकोळ असल्याचे दिसून येत आहे, असेही संजय राऊत म्हणाले.
Comment List