अभिनेत्री अनन्या पांडे तिचा 26 वा वाढदिवस साजरा करतेय. 2019 मध्ये 'स्टुडंड ऑफ द इअर 2' या चित्रपटातून तिने करिअरची सुरुवात केली. गेल्या पाच वर्षांत अनन्याने फिल्म इंडस्ट्रीत स्वत:ची एक वेगळी ओळख निर्माण केली आहे. चित्रपट, जाहिराती, शोज यांमध्ये काम करून अनन्याने चांगली संपत्ती कमावली आहे.
अनन्याने गेल्याच वर्षी धनत्रयोदशीच्या मुहूर्तावर नवीन घर विकत घेतलं होतं. कमी वयात तिने स्वत:चं हक्काचं घर घेतलं. याशिवाय तिच्याकडे आलिशान गाड्यांचं कलेक्शन आहे. अनन्याच्या कार कलेक्शनमध्ये 1.70 कोटी रुपयांच्या बीएमडब्ल्यू 7 सीरिजचाही समावेश आहे.
याशिवाय तिच्याकडे 1.84 कोटी रुपयांची रेंज रोव्हर स्पोर्ट, 88 लाख रुपयांची मर्सिडीज बेंज ई क्लास, 33 लाख रुपयांची स्कोडा कोडियाक आणि 30 लाख रुपयांची हुंडाई सांता फे या गाड्या आहेत. मीडिया रिपोर्ट्सनुसार, अनन्याकडे 2019 मध्ये 54 कोटी रुपयांची संपत्ती होती.
2020 मध्ये अनन्याची संपत्ती वाढून 58 कोटी रुपये, 2021 मध्ये 66 कोटी रुपये आणि 2022 मध्ये 70 कोटी रुपये इतकी झाली. आता अनन्या ही जवळपास 74 कोटी रुपयांची मालकीण असल्याचं कळतंय.
अनन्या पांडे ही चंकी पांडे आणि भावना पांडे यांची मुलगी आहे. ती दर महिन्याला 60-70 लाख रुपये आणि वर्षाला जवळपास सात ते आठ कोटी रुपये कमावत असल्याचं कळतंय. एका चित्रपटासाठी ती तीन कोटी रुपये मानधन स्वीकारते. याशिवाय जाहिराती आणि फॅशन शोजमधूनही ती चांगले पैसे कमावते.
About The Author
Comment List