श्वास रोखून धरा… सई ताम्हणकर म्हणतेय ‘आलेच मी’!

मराठी सिनेमा आणि लावणी यांचं नातं हे पूर्वीचं आहे. लावणी आणि बतावणी ही पूर्वीच्या सिनेमांमध्ये खूप पाहायला मिळायची. काळ बदलला आणि काळाप्रमाणे मराठी सिनेमानेही कात टाकली. तरीही सध्याच्या घडीला एखादी लावणी सिनेमात पाहायला मिळते. या लावणीसाठी स्पेशल कथानकामध्येही बदल केले जातात आणि लावणी गीताचे बीज रोवले जाते.

आगामी ‘देवमाणूसमध्ये‘ सिनेमामध्येही आपल्याला लावणी नृत्य पाहायला मिळणार आहे. या सिनेमातील लावणी नृत्य चित्रित झालंय सई ताम्हणकर हिच्यावर. सई ही पहिल्यांदाच लावणी नृत्य करताना आपल्याला दिसणार आहे. सध्याच्या घडीला मराठी चित्रपटसृष्टीतील कथानाकाचा बाज हा चांगलाच बदललेला आहे. म्हणूनच मराठी सिनेमाविश्व आता आपल्याला कात टाकताना दिसत आहे.

सईने या चित्रपटात केलेले लावणी नृत्य ही या चित्रपटातील एक जमेची बाजू असल्याचे म्हटले जाते. मुख्य म्हणजे याआधी सईने कधीच लावणी नृत्य केले नसल्याने, तिला या चित्रपटासाठी लावणी नृत्य करताना बरीच तयारी करावी लागली होती. तब्बल 33 तास सईने या लावणीसाठी तयारी केली होती. तेव्हा कुठे तिला हे नृत्य साकारता आले.

‘देवमाणुस’ या चित्रपटात महेश मांजरेकर, रेणुका शहाणे, सुबोध भावे आणि सिद्धार्थ बोडके यांच्या प्रमुख भूमिका आहेत.

सईच्या या लावणीला आवाज दिलाय ख्यातनाम गायिका बेला शेंडे हिने. सुप्रसिद्ध लावणी तज्ज्ञ आशीष पाटील यांच्या तालावर सईने लावणीचे धडे गिरवले आहेत. लावणी करण्याच्या अनुभवाबद्दल सई म्हणते, ‘प्रेक्षकांना माझे हे नवे रूप आवडेल, अशी अपेक्षा करते!’

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.