हिंदुस्थानी राज्यघटनेचे शिल्पकार, भारतरत्न डॉ. बाबासाहेब आंबेडकर यांच्या 134 व्या जयंतीनिमित्त दादरच्या चैत्यभूमी आणि बाबासाहेबांचे निवासस्थान असलेल्या राजगृहावर त्यांना अभिवादन करण्यासाठी अनुयायांची मोठी गर्दी उसळली आहे.
(सर्व फोटो – रुपेश जाधव)
मुंबईतूनच नव्हे तर राज्यभरातून हजारोंच्या संख्येने अनुयायी दादरमध्ये दाखलं झाले आहेत.
त्याचबरोबर डॉ. बाबासाहेब आंबेडकर यांच्या जीवनचरित्रावर आधारित छायाचित्र प्रदर्शनाचे आयोजन महापालिकेच्या जनसंपर्क विभागाद्वारे करण्यात आले आहे.
या प्रदर्शन दालनात भारतरत्न डॉ. बाबासाहेब आंबेडकर यांच्या प्रेरणादायी जीवन प्रवासातील दुर्मिळ छायाचित्रे आहेत.
या प्रदर्शन दालनात, संविधानकार डॉ. बाबासाहेब आंबेडकर यांच्या प्रेरक जीवनचरित्रावर आधारित कॉफी टेबल बुकदेखील विक्रीसाठी ठेवण्यात येणार आहे.
चैत्यभूमी येथील डॉ. बाबासाहेब आंबेडकर यांच्या स्मारक तसेच परिसरामध्ये नियंत्रण कक्ष, पिण्याच्या पाण्याची व्यवस्था, स्वच्छतागृहे, शौचालये आदी सोयीसुविधा उपलब्ध करून देण्यात आल्या आहेत.
त्यासोबतच सीसीटीव्ही, चैत्यभूमीजवळ समुद्रात जीवरक्षक बोटी, अग्निशमन दलाचे पथक तैनात करण्यात आले आहे.
वैद्यकीय सुविधेसाठी डॉक्टर व वैद्यकीय कर्मचारी नेमण्यात आले आहेत. आणीबाणीच्या प्रसंगासाठी रुग्णवाहिकाही तैनात करण्यात आली आहे.
About The Author
Comment List