उद्धव ठाकरे यांना आणखी एक धक्का बसणार? सोलापुरातून मोठी बातमी समोर

उद्धव ठाकरे यांना आणखी एक धक्का बसणार? सोलापुरातून मोठी बातमी समोर

लोकसभा निवडणुकीमध्ये महाविकास आघाडीला मोठं यश मिळालं होतं, महायुतीच्या अनेक दिग्गज उमेदवारांचा पराभव झाला, मात्र त्यानंतर झालेल्या विधानसभा निवडणुकीमध्ये महायुतीनं जोरदार मुसंडली मारली. विधानसभा निवडणुकीमध्ये महाविकास आघाडीचा सपाटून पराभव झाला. राज्यात महायुतीला स्पष्ट बहुमत मिळालं. महायुतीचे उमेदवार तब्बल 232 जागांवर विजयी झाले तर दुसरीकडे महाविकास आघाडीला तीनही पक्ष मिळून केवळ 50 जागांवरच समाधान मानावं लागलं, दरम्यान विधानसभा निवडणुकीनंतर महाविकास आघाडीची डोकेदुखी वाढली आहे, अनेक नेते आणि पदाधिकारी महाविकास आघाडीमधून महायुतीमध्ये प्रवेश करत असल्याचं पाहायला मिळत आहे, याचा सर्वाधिक फटका हा शिवसेना ठाकरे गटाला बसला आहे. आतापर्यंत शिवसेना ठाकरे गटाच्या अनेक नेत्यांनी  शिवसेना आणि भाजपमध्ये प्रवेश केला आहे.

दरम्यान आता मोठी बातमी समोर येत आहे, ती म्हणजे उद्धव ठाकरे गटाला आणखी एक मोठा धक्का बसण्याची शक्यता आहे. शिवसेना ठाकरे गटाचे नेते दीपक आबा साळुंखे हे भाजपच्या वाटेवर असल्याची चर्चा आहे. त्यातच आज सोलापूरचे पालकमंत्री जयकुमार गोरे यांनी दीपक आबा साळुंखे यांच्या ऑफिसला भेट दिली, या भेटीमुळे चर्चेला आणखी उधाण आलं आहे.

जयकुमार गोरे यांनी दीपक आबा साळुंखे यांच्या ऑफिसला भेट दिली यावेळी त्यांनी जयकुमार गोरे यांचं जंगी स्वागत केलं. जयकुमार गोरे यांच्या स्वागतासाठी फटाक्याची अतिशबाजी करण्यात आली, तसेच तब्बल पंचवीस फुटांचा तुळशीपासून बनवण्यात आलेला खास हार क्रेनच्या मदतीनं जयकुमार गोरे यांना घालण्यात आला, फुलांची उधळण देखील करण्यात आली.  यावेळी जयकुमार गोरे आणि दीपक साळुंके यांच्यामध्ये चर्चा झाली. या भेटीमुळे आता चर्चेला आणखीनच उधाण आलं आहे, त्यामुळे उद्धव ठाकरे यांना आता आणखी एक धक्का बसणार का हे पाहणं महत्त्वाचं ठरणार आहे. दरम्यान यापूर्वी देखील उद्धव ठाकरे यांना अनेक धक्के बसले आहेत. छत्रपती संभाजीनगर आणि पुण्यातील अनेक नगरसेवकांनी, तसेच नेत्यांनी उद्धव ठाकरे यांची साथ सोडत शिवसेना आणि भाजपात प्रवेश केला आहे.

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

IMD weather forecast : वादळाचा तडाखा, महाराष्ट्राला पाऊस झोडपणार, या जिल्ह्यांना हाय अलर्ट IMD weather forecast : वादळाचा तडाखा, महाराष्ट्राला पाऊस झोडपणार, या जिल्ह्यांना हाय अलर्ट
मोठी बातमी समोर येत आहे, गेल्या चार ते पाच दिवसांपासून महाराष्ट्रात पावसानं धुमाकूळ घातला आहे. अनेक भागांमध्ये जोरदार पावसासह गारपिटीचा...
“देव त्यांच्या आत्म्यास शांती देवो”, मोदींपासून ते फडणवीसांपर्यंत सर्वांनी मनोज कुमार यांच्याबद्दल व्यक्त केल्या भावना
सर्वांसमोर अमरीश पुरींनी स्मिता पाटीलच्या लगावली होती कानशिलात, नंतर अभिनेत्रीने जे काही केलं…
मोहम्मद युनूस पंतप्रधान मोदींना भेटले, शेख हसीना यांच्या हस्तांतरणाचा मुद्दा मांडला
National Kho-Kho Championship 2024-25 – महाराष्ट्राच्या महिलांची जोरदार मुसंडी, पुरुष गटात रेल्वेने मारली बाजी
Nuts Benefits- आपल्या आहारासाठी बदाम आणि शेंगदाणे वरदानापेक्षा कमी नाही! वाचा सविस्तर
वक्फ सुधारणा विधेयकाविरोधात काँग्रेसची सर्वोच्च न्यायालयात धाव, याचिका केली दाखल