अक्षय कुमारची ओळख ही बाॅलीवुडकरांसाठी नवीन नाही. अक्षयला बाॅलीवुडचा खिलाडी अभिनेता म्हणून ओळखले जाते. वेळेवर येणारा आणि वेळेत चित्रपट पूर्ण करण्यासाठी अक्षयची ओळख आहे. मुख्य म्हणजे अक्षय हा सेटवर अतिशय शिस्तीत काम करत असल्यामुळे अक्षय कुमार सोबत चित्रपट करताना, अभिनेत्री या कायम खुश असतात. सेटवर वेळेआधी येणं आणि दिलेल्या वेळेमध्ये शुटींग संपवुन घरी जाणं हे अक्षय कुमारचं वैशिष्ट्य आहे. परंतु असे असताना अक्षयने काही फिल्म करण्यास दिलेला नकार हा अक्षयला नंतर चांगलाच भारी पडला असणार. कारण या फिल्मनंतर सुपरहिट झाल्या होत्या.
भाग मिल्खा भाग– या चित्रपटाने सुरुवातील अक्षय कुमार याला विचारण्यात आलेले होते. परंतु अक्षयने हा चित्रपट करण्यास नकार दिल्यामुळे, हा चित्रपट फरहान अख्तरला मिळाला. फरहान अख्तरसाठी हा चित्रपट एक मैलाचा दगड ठरला हे काही सांगायला नको.
बाजीगर– बाजीगर या चित्रपटात काम करण्याची संधी अक्षय कुमारला होती. परंतु ही संधी नेगेटिव्ह भूमिका असल्याकारणाने अक्षयने भूमिका नाकारली. अक्षयने चित्रपटात काम करण्यास नकार दिल्यामुळे, शाहरुख खानची या सिनेमामध्ये वर्णी लागली. अक्षय कुमारने नाकारलेली ही संधी शाहरुख खानच्या चांगलीच पथ्यावर पडली असे म्हटल्यास वावगं ठरु नये.
रेस – रेस या सिनेमामध्येही अक्षय कुमारला विचारण्यात आले होते. परंतु इतर चित्रपटाच्या शूटींगमध्ये व्यस्त असल्यामुळे अक्षयने मात्र नकार दिला होता. रेस हा चित्रपट हिट झाल्यानंतर मात्र अक्षयला नकार दिल्याचा पश्चाताप झाल्याचे त्याने एका मुलाखतीत म्हटले होते.
सूर्यवंशम- अमिताभ बच्चन यांच्या मुलाची भूमिकेसाठी अक्षय कुमारला विचारण्यात आले होते. परंतु अक्षय कुमारला हा रोल न आवडल्यामुळे, त्याने ही भूमिका करण्यास नकार दिला. हाही चित्रपट नंतर हिट झाला होता.
वेलकम बॅक- वेलकम बॅक या चित्रपटामध्ये भूमिका करण्यास नकार दिल्यामुळे ही भूमिका जाॅन अब्राहमच्या वाट्याला आली. हा चित्रपट सेमी हिट झाला, परंतु जाॅन अब्राहमच्या करिअरसाठी हा चित्रपट खूपच उत्तम ठरला होता.
About The Author
Comment List