‘हे काय वागणं?; नीतू कपूर यांना नातीने ढकललं, व्हिडीओ पाहून नेटकरी अवाक्!

‘हे काय वागणं?; नीतू कपूर यांना नातीने ढकललं, व्हिडीओ पाहून नेटकरी अवाक्!

दिवंगत अभिनेता राज कपूर यांचा नातू आणि करिश्मा-करीना-रणबीर कपूर यांचा चुलत भाऊ आदर जैन नुकताच लग्नबंधनात अडकला. आदरने गर्लफ्रेंड आलेखा अडवाणीशी लग्नगाठ बांधली. शुक्रवारी मुंबईत धूमधडाक्यात हा लग्नसोहळा पार पडला. या लग्नाला अभिनेता रणबीर कपूर, आलिया भट्ट, करीना कपूर, करिश्मा कपूर, सैफ अली खान यांसह इतर सर्व कुटुंबीय उपस्थित होते. या लग्नसोहळ्यातील विविध फोटो आणि व्हिडीओ सोशल मीडियावर व्हायरल होत आहेत. अशातच एका व्हिडीओने नेटकऱ्यांचं लक्ष वेधलंय. या व्हिडीओमध्ये ऋषी कपूर आणि नीतू कपूर यांची मुलगी रिद्धिमा कपूर सहानी पापाराझींसमोर फोटोसाठी पोझ देत असते. यावेळी तिच्यासोबत तिची मुलगी समारा सहानीसुद्धा फोटोसाठी उभी राहते. मात्र जेव्हा या दोघींसोबत नीतू कपूर फोटोसाठी येतात, तेव्हा नात समारा यांना हाताने बाजूला ढकलते.

आई रिद्धिमासोबत समारा या लग्नसोहळ्याला पोहोचली. पापाराझींसमोर ती फोटोसाठी पोझ देत असताना आजी नीतू कपूरसुद्धा तिथे येतात. मुलगी आणि नातसोबत फोटो काढण्यासाठी त्या समाराच्या बाजूला उभ्या राहतात. मात्र समारा त्यांना हाताने बाजूला करते. तेव्हा नीतू कपूरसुद्धा थक्क होतात. तरीसुद्धा चेहऱ्यावर हास्य आणून त्या फोटोसाठी पोझ देतात. समाराचं हे वागणं कॅमेऱ्यात कैद झालं असून पापाराझींनी ही व्हिडीओ सोशल मीडियावर पोस्ट केला आहे. त्यावर नेटकऱ्यांनी विविध प्रतिक्रिया देण्यास सुरुवात केली.

samara pushing neetu out of the frame 😭
byu/vishaw_kalra inBollyBlindsNGossip

‘आजीकडून ओरडा मिळाला असेल’, असं एकाने लिहिलं. तर ‘आजी नीतू कपूर बाजूला आल्यानंतर तिच्या चेहऱ्यावरचा रंगच उडालाय’, असं दुसऱ्याने म्हटलंय. ‘समाराला कोणत्या तरी गोष्टीचा राग आला असेल’, असा अंदाज नेटकऱ्यांनी वर्तवला आहे. ती अजूनही लहान असून तिला यामुळे ट्रोल करू नका, अशीही विनंती काहींनी केली आहे.

आदर जैन हा रिमा कपूर आणि मनोज जैन यांचा मुलगा आहे. गेल्या काही वर्षांपासून तो अभिनेत्री तारा सुतारियाला डेट करत होता. मात्र ताराशी ब्रेकअप झाल्यानंतर त्याने तिचीच खास मैत्रीण आलेखाला डेट करण्यास सुरुवात केली. आलेखा ही मुंबईतील उद्योजिका असून तिने डेलॉइट या कंपनीत हॉस्पिटॅलिटी सल्लागार म्हणून काम करत करिअरची सुरुवात केली. काही वर्षे लॉस एंजिलिसमधील डेलॉइटमध्ये काम केल्यानंतर आलेखा मुंबईत परतली.

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

मर्सिडीजवरून राजकारण तापलं! विनायक राऊतांचा गोऱ्हेंवर पलटवार, म्हणाले शपथ घेऊन सांगा.. मर्सिडीजवरून राजकारण तापलं! विनायक राऊतांचा गोऱ्हेंवर पलटवार, म्हणाले शपथ घेऊन सांगा..
दिल्लीमध्ये आयोजित अखिल भारतीय साहित्य संमेलनात बोलताना शिवसेना नेत्या नीलम गोऱ्हे यांनी शिवसेना ठाकरे गटावर गंभीर आरोप केला आहे. उद्धव...
नीलम गोऱ्हेंच्या आरोपानंतर वातावरण तापलं, ठाकरे गटाच्या नेत्यानं कुंडलीच मांडली, मागितला 18 मर्सिडीजचा हिशोब
प्रवाशांनो कृपया लक्ष द्या..! रेल्वेच्या तिन्हीही मार्गांवर आज मेगाब्लॉक, वेळापत्रक काय?
‘बाबू काबूच्या बाहेर असतो, महिन्यातून किमान 20 वेळा तरी…’ ; प्रसिद्ध अभिनेत्रीनेच कास्टिंग काऊचबाबत सगळं सांगितलं
बच्चन कुटुंब आणि ‘या’ अभिनेत्यामध्ये 30 वर्षांपासून कट्टर शत्रूत्व; एकत्र काम न करण्याची घेतली शपथ
‘हा’ एक बदल केला असता तर ‘छावा’मधली ती भूमिका आणखी खुलली असती; तुम्हाला काय वाटतं?
महाकुंभमध्ये डुबकी मारल्यानंतर पवन कल्याण रुग्णालयात दाखल; नदीतील प्रदूषणाबाबत प्रश्न उपस्थित