Mumbai News – वांद्रे परिसरात वृद्ध महिलेची राहत्या घरात हत्या, कारण अद्याप अनभिज्ञ

मुंबईतील वांद्रे येथे वृद्ध महिलेचा मृतदेह आढळून आल्याने एकच खळबळ उडाली. महिलेचे हात बांधले होते तर गळ्यावर वार करण्यात आलेत. वांद्रे पोलिसांनी तात्काळ घटनास्थळी धाव घेत महिलेचा मृतदेह ताब्यात घेत शवविच्छेदनासाठी रुग्णालयात पाठवला. रेखा खोंडे असे 64 वर्षीय मयत महिलेचे नाव आहे. वांद्रे पोलिसांनी हत्येचा गुन्हा दाखल करत पुढील तपास सुरू केला आहे.

वांद्रे पूर्वेला रिक्लेमेशनजवळील कांचन इमारतीत राहत्या घरात रेखा कोंडे या मृतावस्थेत आढळल्या. रेखा यांच्या गळ्यावर वार करण्यात आला असून हात बांधलेले होते. तीन ते चार दिवसापूर्वी रेखा यांची हत्या झाली असावी असा अंदाज आहे. रेखा यांची हत्या कुणी आणि कोणत्या उद्देशाने केली याबाबत पोलीस तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.