Santosh Deshmukh Case : तर आकाची लोकं मुंबई बंद करतील, सुरेश धस यांचा टोला

वाल्मीक कराडला अटक केल्याप्रकरणी कराडच्या समर्थकांनी परळीत आंदोलन केले आहे. त्यामुळे आकाची लोकं मुंबईही बंद करतील असा टोला भाजप आमदार सुरेश धस यांनी लगावला आहे.

मुंबईत माध्यमांशी बोलताना सुरेश धस म्हणाले की, ही नावीन्यपूर्ण योजना आहे, आपला माणूस तुरुंगात गेल्यानंतर ज्याने एवढा मोठा उद्योग केला आहे, हा माणूस तुरुंगात गेल्यानंतर बीड-परळी बंद करा असं म्हणणं कितपत योग्य आहे? हा नवीन पायंडा पडेल. या पुढे जो कुणी तुरुंगात जाईल, त्यासाठी शहरं बंद करतील. कराडचे समर्थक मुंबईही बंद करतील असा टोला धस यांनी लगावला. तसेच वाल्मीक कराडचे आणि माझेही चांगले संबंध आहेत. पण कराड माणसं मारायला लागला तर त्याचेही मी समर्थन करणार का? असेही धस म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.