नाशिकमध्ये अपघातात 8 भाविक ठार

शहरातील मुंबई-आग्रा महामार्गावरील उड्डाण पुलावर रविवारी रात्री 8 वाजता भीषण अपघात झाला. या अपघातात देवदर्शनाहून परतणाऱ्या 8 कामगारांचा दुर्दैवी मृत्यू झाल्याची माहिती डॉक्टरांनी दिली. पाच जखमींवर सिव्हिल हॉस्पिटलमध्ये उपचार सुरू आहेत.

नाशिकमधील मुंबई-आग्रा महामार्गावर लोखंडी गजाने भरलेल्या आयशर ट्रकला पाठीमागून वेगात येणाऱया पिकअप टेम्पोने धडक दिली. या अपघातातील मयत व जखमी सर्व कामगार असल्याची माहिती आहे. अपघातग्रस्त नाशिक सिडको परिसरातील असून ते निफाड येथील देवदर्शनाच्या ठिकाणाहून परतत असताना हा अपघात झाला.

द्वारका उड्डाण पुलावर अपघात झाल्याने नाशिक-मुंबई आग्रा महामार्गावर वाहतूक विस्कळीत झाली. वाहनांच्या लांबचलांब रांगा लागल्या.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.