महायुतीचे उमेदवार विलास भुमरे भोवळ आल्याने गॅलरीतून पडले, हात-पाय फ्रॅक्चर

सध्या राज्यभरात विधानसभा निवडणुकीची रणधुमाळी सुरू असून आरोप प्रत्यारोपांच्या फैरी झडत आहेत. सर्वच उमेदवारांनी कंबर कसून प्रचाराचा धडाका लावला आहे. दररोज राज्याच्या कानाकोपऱ्यात विविध सभा पार पडत आहेत. अशातच एक धक्कादायक बातमी समोर आली आहे. छत्रपती संभीजनगरमघील पैठण विधानसभा मतदारसंघाचे महायुतीचे उमेदवार विलास भुमरे भोवळ आल्याने गॅलरीतून पडले आणि त्यामुळे त्यांचे हात-पाय फ्रॅक्चर झाल्याची घटन घडली आहे.

मिळालेल्या माहितीनुसार, विलास भुमरे यांना पाचोडा येथील निवासस्थानी पहाटे भोवळ आली आणि ते गॅरलीमधून खाली पडले. त्यामुळे त्यांना गंभीर दुखापत झाली असून डावा हात आणि डावा पाय फ्रॅक्चर झाला आहे. त्यांना तत्काळ छत्रपती संभाजीनगरमधील एका खाजगी रुग्णालयात दाखल करण्यात आले असून त्यांच्यावर उपचार सुरू आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.