Actress Love Life: झगमगत्या विश्वातील सेलिब्रिटींचं खासगी आयुष्य कायम चर्चेत असतं. अशी एक अभिनेत्री जीने अनेक सिनेमांमध्ये दमदार भूमिका बजावत चाहत्यांचं मनोरंजन केलं. आज अभिनेत्री बॉलिवूडपासून दूर असली तरी कायम कोणत्या न कोणत्या कारणामुळे चर्चेत असते. वयाच्या 49 व्या वर्षी अभिनेत्री रिलेशनशिपमुळे चर्चेत आली आहे. अभिनेत्रीचं नाव एक दोन नाही तर, 4 विवाहित पुरुषांसोबत जोडण्यात आलं. आता अभिनेत्रीचा एक खासगी फोटो सोशल मीडियावर तुफान व्हायरल होत आहे. फोटोमध्ये अभिनेत्री श्रीमंत उद्योजकासोबत दिसत आहे.
सध्या ज्या अभिनेत्रीच्या खासगी आयुष्याची चर्चा रंगली आहे ती अभिनेत्री दुसरी तिसरी कोणी नाही अभिनेत्री अमिषा पटेल आहे. अमिषा अनेक सिनेमांमध्ये काम केलं. पण अभिनेत्री रिलेशनशिपच्या चर्चांमुळे अधिक चर्चेत आली. आता 49 व्या वर्षी देखील अमिषा अफेअरमुळे चर्चेत आली आहे.
अमिषा कायम सोशल मीडियावर सक्रिय असते. नुकताच अभिनेत्रीने उद्योजक निर्वाण बिर्ला याच्यासोबत खासगी फोटो पोस्ट केले आहे. फोटो पोस्ट करत अभिनेत्रीने कॅप्शनमध्ये, ‘माझ्या डार्लिंगसोबत प्रेमळ संध्याकाळ…’ असं लिहिलं आहे. अभिनेत्रीचा फोटो दुबईतील आहे.
फोटोमध्ये अमिषा आणि निर्वाण दोघे आनंदी दिसत आहेत. फोटोमध्ये दोघांनी काळ्या रंगाचे कपडे घातले आहेत. सध्या सर्वत्र फक्त आणि फक्त अमिषा हिच्या खासगी आयुष्याची चर्चा रंगली आहे. चाहते देखील दोघांच्या फोटोवर लाईक्स आणि कमेंट करत प्रतिक्रिया देत आहेत.
कोण आहे निर्वाण बिर्ला?
निर्वाण एक उद्योजक आणि गायक आहे. तो बिर्ला ब्रेनियाक्स आणि बिर्ला ओपन माइंड्सचा संस्थापक देखील आहे. निर्वाण, यशोवर्धन बिर्ला आणि अवंती बिर्ला यांचा मुलगा आहे. अमिषा पटेल हिच्यामुळे निर्वाण बिर्ला चर्चेत आला आहे.
सांगायचं झालं तर, आतापर्यंत 4 विवाहित पुरुषांसोबत अमिषा पटेल हिच्या नावाची चर्चा झाली. दिग्दर्शक विक्रम भट्ट यांच्यासोबत अभिनेत्रीच्या नात्याची अधिक रंगली. तब्बल 5 वर्ष दोघांनी एकमेकांना डेट केलं. पण नातं फार काळ टिकलं नाही.
विक्रम भट्ट यांच्यासोबत ब्रेकअप झाल्यानंतर अभिनेत्रीने मोठं वक्तव्य केलं होतं. ‘विक्रम भट्ट यांच्यावर प्रेम करणं माझ्या आयुष्यातील सर्वात मोठी चुकी होती…’ असं वक्तव्य अभिनेत्रीने एका मुलाखतीत केलं होतं. अनेक सेलिब्रिटींसोबत अमिषाच्या नावाची चर्चा रंगली आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List