पवई आणि विलेपार्ले येथे अपघातात दोघांचा मृत्यू

पवई आणि विलेपार्ले येथे झालेल्या दोन वेगवेगळ्या अपघातांत दोघांचा मृत्यू झाला आहे. जेसीबी अंगावर गेल्याने एका व्यक्तीचा चिरडून मृत्यू झाला. या व्यक्तीचे नाव समजू शकले नाही. तर वीरेंद्र मिश्रा यांच्या मोटरसायकलला टेम्पोने धडक दिल्याने झालेल्या अपघातात त्यांचा मृत्यू झाला.

पहिली घटना शनिवारी रात्री विलेपार्ले परिसरात घडली. जुहू पोलिसांचे पथक नाकाबंदीवर असताना त्यांना येथील गोल्डन टोबेकोसमोर अपघात झाल्याची माहिती मिळाली. जखमीला रुग्णालयात दाखल करण्यात आले. परंतु डॉक्टरांनी त्याला मृत घोषित केले. पोलिसांनी या परिसरातील सीसीटीव्ही फुटेजची तपासणी केली असता जेसीबी वाहन या व्यक्तीच्या अंगावरून गेल्याचे आढळून आले. फरार जेसीबी चालक आणि क्लिनरला पोलिसांनी ताब्यात घेतले आहे.

दुसरी घटना शुक्रवारी सायंकाळी घडली. वीरेंद्र मिश्रा हे पवई प्लाझा सिग्नलजवळून जात असताना त्यांच्या मोटरसायकलला टेम्पोने धडक दिली. या धडकेत मिश्रा यांचा मृत्यू झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.