Pune News – पुणे-नाशिक महामार्गावर भीषण अपघात, लक्झरी बसची कंटेनरला धडक; 40 ते 50 प्रवासी जखमी

पुणे-नाशिक महामार्गावर भीषण अपघाताची घटना शुक्रवारी पहाटे घडली. आळेफाटा येथे खासगी वाहतूक करणारी लक्झरी बस कंटेनरला मागून धडकल्याने अपघात घडला. या अपघातात बसमधील 40 ते 50 प्रवासी जखमी झाले. अपघाताची माहिती मिळतात स्थानिक पोलीस आणि आपत्कालीन पथकाने तात्काळ घटनास्थळी धाव घेत मदतकार्य सुरू केले. जखमींना उपचारासाठी नजीकच्या रुग्णालयात दाखल करण्यात आले आहे.

टीव्ही 9 ने दिलेल्या वृत्तानुसार, अपघातग्रस्त बस नाशिकहून पुण्याच्या दिशेने चालली होती. यादरम्यान बसने कंटेनरला मागून धडक दिल्याने अपघात घडला. बसचालकाचे नियंत्रण सुटल्याने बसने कंटेनरला धडक दिल्याची प्राथमिक माहिती मिळते. पोलीस पुढील तपास करत आहेत.

Tags: Politics पुणे Pune राजकीय

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.