जालना जिल्ह्यातील अंबड आगारामध्ये चालकाचे बसवरील नियंत्रन सुटल्याने अपघात झाला आहे. या अपघातात 7 प्रवाशी जखमी झाले असून दोघांचा मृत्यू झाला आहे. जखमी प्रवशांना उपचारासाठी अंबडच्या ग्रामीण रुग्णालयात दाखल करण्यात आले आहे.
अंबड आगारातून सिल्लोडला जाण्यासाठी निघणारी बस बसचालक व्ही.एस. राठोड यांनी ताब्यात घेतली. दुपारी 1.15 च्या दरम्यान फलाट क्रमांक 1 वर बस लावत असताना बसचा ब्रेक लागला नाही. त्यामुळे बस थेट फलाट क्रमांक 3 वर घुसली. यावेळी प्रवाशांची बस स्थानकावर गर्दी होती. मात्र सुदैवाने जीवितहानी झाली नाही. या अपघातात अनिता बंडू गुंजाळ (30), पार्वती धोंडीराम नवघरे (30), शेख खलील शेख उल्ला (40), पूजा कडुबा धोत्रे (4), हिना अलीम शेख (30), रेहाना शेख अलीम (1) हे प्रवासी जखमी झाले आहेत. मुरलीधर आनंदराव काळे (50) आणि खलीलउल्ला अजीमुल्लाह शेख याचा मृत्यू झाला आहे. तसेच जखमी प्रवाशांना उपाचारासाठी अंबडच्या ग्रामीण रुग्णालयात दाखल करण्यात आले आहे. तर गंभीर जखमी झालेल्या प्रवाशांना जालना येथील जिल्हा सामान्य रुग्णालयात हलविण्यात आले आहे, अशी माहिती आगार प्रमुख रणवीर कोळपे यांनी दिली आहे.
अपघातग्रस्त बसची तपासणी
अपघातग्रस्त बसची तपासणी यंत्र अभियंता जालना यांच्याकडून करण्यात आली. बस तपासणी केल्यावर बसमध्ये कसलाही यांत्रिक बिघाड झाला नसल्याचे सांगण्यात आले. अपघातात जखमींना तातडीने रुग्ण्यालयात दाखल करण्यात आले आहे. महामंडळाच्या नियमानुसार वैद्यकीय मदत पुरविल्या जाईल. अपघाताची चौकशी सुरू आहे, असे अंबड आगार प्रमुख रणवीर कोळपे यांनी सांगितले.
Comment List