Maharashtra Breaking News LIVE 31 January 2025 : आजपासून सुरू होणार संसदेचं अर्थसंकल्पीय अधिवेशन

आजपासून संसदेचं अर्थसंकल्पीय अधिवेशन, राष्ट्रपती द्रौपदी मुर्मू दोन्ही सभागृहांना संबोधित करणार आहेत. सरकारकडून वादग्रस्त वक्फ मंडळ दुरूस्तीसह 16 विधेयकं आणि 19 कामकाजी दस्तावेज सूचीबद्ध. हॉटेल व्यावसायिकाचे हॉटेल बळकवण्यासाठी धमकावणारा छोटा राजनचा खास हस्तक डी.के. राव याने मध्यस्थी करण्यासाठी इतर आरोपींकडून पैसे घेतल्याचा संशय असून याप्रकरणी गुन्हे शाखा त्याचे आर्थिक व्यवहार तपासणार आहे. किरीट सोमय्या आज पुन्हा मालेगाव दौऱ्यावर असून ते छावणी पोलिस, धान्य वितरण कार्यालय व महापालिकेला भेट देणार आहेत. पालकमंत्री पदाचा तिढा मुख्यमंत्री देवेंद्र फडणवीस यांच्या दिल्ली दौऱ्यानंतर मिटण्याची शक्यता आहे. देवेंद्र फडणवीस तीन दिवस दिल्ली विधानसभेच्या प्रचारात व्यस्त आहेत. रायगड पालकमंत्री सोडण्यासाठी राष्ट्रवादी अनुकूल नाही. रायगड मध्ये शिवसेनेच्या आमदारांची नाराजी अद्यापही कायम असून आता मुख्यमंत्री देवेंद्र फडणवीस काय निर्णय घेणार याकडे सर्वांचे लक्ष आहे. यासह राज्यातल्या, देशभरातल्या सामाजिक, राजकीय, क्रीडा व इतर विषयातील महत्वाच्या बातम्या व अपडेट्स जाणून घेण्यासाठी दिवसभर हा ब्लॉग फॉलो करत रहा..