शिवसेनेच्या (उद्धव बाळासाहेब ठाकरे) देवगड तालुका कार्यकारिणीची बैठक मंगळवारी इंद्रप्रस्थ हॉल देवगड सातपायरी येथे झाली. त्यावेळी माजी आमदार वैभव नाईक म्हणाले की, निवडणुकीचा निकाल आपल्या बाजूने लागला नसला तरी आपण सातत्याने जनतेचे काम करीत राहिले पाहिजे. लोकांमध्ये मिसळून त्यांचे प्रश्न जाणून घेऊन ते सोडविण्याचा प्रयत्न केला पाहिजे. पदाधिकाऱ्यांनी कार्यकर्त्यांच्या भक्कमपणे पाठीशी उभे राहिले पाहिजे. आजची परिस्थिती उद्या नक्की बदलेल, मात्र परिवर्तनासाठी आत्तापासूनच संघर्ष केला पाहिजे. त्यासाठी आम्ही सर्वजण आपल्यासोबत आहोत असा विश्वास शिवसेना पदाधिकारी व कार्यकर्त्यांना दिला. तसेच कणकवली विधानसभा प्रमुख सतीश सावंत यांनीही बैठकीत सांगितले की, जनतेची छोटी मोठी कामे करणे, विविध योजनांचा लाभ मिळवून देणे ही कामे अविरतपणे आपण सुरु ठेवली पाहिजे. येणाऱ्या काळात पदाधिकारी कार्यकर्त्यांची एकजूट टिकवून ठेवणे आणि जनतेच्या प्रश्नावर आवाज उठविण्यासाठी सक्षम विरोधी पक्ष म्हणून आपण उभे राहणे गरजेचे आहे. आता जनता नक्कीच आपल्याला साथ देईल, असा विश्वासही त्यांनी व्यक्त केला.
यावेळी कणकवली विधानसभा प्रमुख सतीश सावंत, महिला जिल्हाप्रमुख नीलम पालव, तालुकाप्रमुख मिलिंद साटम, नगरसेवक बुवा तारी, युवासेना तालुकाप्रमुख गणेश गावकर,हर्षा ठाकूर,संतोष तारी, वर्षा पवार,सरपंच मेनिका पुजारे,रमाकांत राणे,विशाल मांजरेकर, संदीप ढोलकर,सरपंच पूर्वा जाधव, सुनील जाधव, बाजीराव जाधव, सचिन खडपे, यदुनाथ ठाकूर, सरपंच दीपक कदम, मंगेश पाठक,फरीद काझी आदींसह शिवसेना पदाधिकारी, व शिवसैनिक उपस्थित होते.
Comment List