महाराष्ट्रातील पश्चिम घाटातील अत्यंत सुंदर आणि ऐतिहासिक किल्ल्यांपैकी एक असलेला वासोटा किल्ला, जो ट्रेकर्स आणि साहसी पर्यटकांसाठी कायमच आकर्षण राहिला आहे. या किल्ल्यावर रविवारी (दि. 8) पर्यटकांनी विक्रमी गर्दी केली होती. सलग दुसऱ्या रविवारी 191 बोटींमधून 3035 पर्यटकांनी किल्ल्याचा ट्रेक पूर्ण केला आणि अद्भुत निसर्गाच्या सान्निध्यात साहस अनुभवले.
सह्याद्री व्याघ्र प्रकल्प कार्यालय बामणोलीकडून मिळालेल्या माहितीनुसार, वासोटा किल्ल्यावर ट्रेक करण्यासाठी बामणोली, शेंबडी आणि मुनावळे या बोट क्लब्जमधून पर्यटक येत आहेत. भैरवनाथ बोट क्लब, बामणोली, बोट क्लब शेंबडी आणि केदारेश्वर बोट क्लब मुनावळे यांच्या बोटींमधून या पर्यटकांची वाहतूक केली जात आहे. विशेषतः थंडीच्या दिवसांत वासोटा किल्ल्यावर ट्रेकिंग करण्यासाठी पर्यटकांची संख्याही वाढली आहे. शनिवार, रविवार आणि सुट्टीच्या दिवशी किल्ल्याच्या परिसरात पर्यटकांची मोठी वर्दळ पाहायला मिळते. यामुळे येथील हॉटेल्स आणि टेंट्स आधीच बुक होतात. त्यामुळे पर्यटकांना मुक्कामासाठी आधीच व्यवस्था करणे गरजेचे आहे. वासोटा किल्ल्यावर पर्यटकांची संख्या वाढत आहे. किल्ल्याच्या शिखरावर पोहोचल्यावर त्याच्यावरून प्रचंड दृश्ये आणि शांतीचा अनुभव घेत पर्यटक मनमुराद आनंद घेतात.
वासोट्याची खासियत
वासोटा किल्ला, ज्याला ‘सह्याद्रीचा गड’ असेही म्हटले जाते, किल्ल्याच्या टोकांवरून असलेले दृश्य आणि तेथील निसर्गसौंदर्य पर्यटकांना खूप आकर्षित करते. किल्ल्यावर पोहोचण्याचा मार्ग बोटीने सुरू होतो आणि नंतर जंगलातून ट्रेक करीत पर्यटक किल्ल्याच्या शिखरावर पोहोचतात. येथून आसमंतातील घनदाट जंगल आणि सह्याद्री पर्वतरांगा अशा लॅण्डस्केपचा अनुभव घेता येतो. याशिवाय किल्ल्याच्या परिसरात असलेल्या जैवविविधतेची अनोखी दुनिया पाहायला मिळते. नद्या, धबधबे, वेगवेगळ्या प्रकारचे पक्षी आणि वनस्पती यांचे दर्शन होते, जे साहसप्रेमींसाठी एक पर्वणीच असते.
साहसी ट्रेकिंगचा अनुभव
वासोटा किल्ल्याचे ट्रेकिंग साधारणतः तीन ते चार तासांच्या काळात पार होते. या ट्रेकची सुरुवात पाण्याच्या आसपास असलेल्या ठिकाणांपासून होते, ज्यात निसर्गप्रेमी आणि ट्रेकर्स वेगवेगळ्या ठिकाणांहून दृश्यांचा आनंद घेतात. वासोट्यावरील ट्रेकिंग म्हणजे एकाच वेळी साहस आणि निसर्गाची अनुभूती घेण्यात येते.
पर्यटकांसाठी सर्वोतोपरी सुविधा उपलब्ध
बामणोली, शेंबडी, मुनावळे येथील हॉटेल्स आणि टेंट्स पर्यटकांच्या वाढत्या संख्येचा सामना करण्यासाठी आधीच पूर्ण भरले जातात. अनेक पर्यटक हॉटेल्स आणि टेंट्सचे बुकिंग आठवडाभर आधीच करून ठेवतात. तर, स्थानिक प्रशासनानेही पर्यटकांसाठी आवश्यक त्या सेवा-सुविधा उपलब्ध केल्या आहेत.
वासोटा किल्ल्यावर ट्रेकिंग हा एक साहसी अनुभव असतो. ज्या पर्यटकांना निसर्गाची सुंदरता, ट्रेकिंगची आव्हाने आणि जंगलातील अद्वितीय सौंदर्य अनुभवायचे आहे, त्यांच्यासाठी हे एक आदर्श ठिकाण आहे. त्यामुळे वासोटा किल्ल्यावर पर्यटकांची वर्दळ दिवसेंदिवस वाढत आहे. हे स्थळ साहसप्रेमींच्या टॉप डेस्टिनेशन्समध्ये स्थान प्राप्त करीत आहे. वासोटा किल्ल्यावर येणाऱ्या सर्व पर्यटकांना वन विभागाच्या माध्यमातून जास्तीत जास्त सुविधा पुरविण्यासाठी वन विभाग या ठिकाणी कटिवद्ध असते. आगामी काळात वन विभागाच्या माध्यमातून आणखीन दर्जेदार सुविधा देण्यात येतील.
– बी. जे. हाके, वनविभाग अधिकारी, वन्यजीव, बामनोली.
Comment List