पत्नीचा खून करून दारुड्या पतीचे पलायन, आरोपीला चेन्नईतून अटक

पत्नीची गळा दाबून हत्या केल्यानंतर आरोपी दारुडा पती फरार झाला. ही माहिती मिळताच पोलिसांच्या विशेष पथकाने त्याचा शोध सुरू केला. पण आरोपी सतत ठिकाण बदलून राहत होता. अखेर नवी मुंबई, दिल्ली असा पाठलाग करत पोलिसांनी आरोपी पतीला चेन्नईमध्ये पकडला.

मानखुर्दला राहणाऱ्या अमोल पवार (36) याने त्याच्या पत्नीचा गळा दाबून खून केल्यावर पळ काढला. ही माहिती ट्रॉम्बे पोलिसांना मिळताच उपायुक्त ढवळे यांनी पोलीस अधिकारी व अंमलदारांचे विशेष पथक तयार करून आरोपीचा शोध सुरू केला. परंतु आरोपी सतत ठिकाण बदलून लपत होता. पण तरीही पोलिसांनी सातत्याने कसून माघ काढणे सुरूच ठेवले. आधी नवी मुंबईत तो असल्याचे समजले, त्यानंतर तो दिल्लीला गेल्याची माहिती मिळाली. पथक दिल्लीला गेले. पण तेथून अमोल सटकला होता.

दरम्यान तो चेन्नईत असल्याची माहिती मिळताच पोलिसांनी त्याला तेथून पळून जाण्याची संधी न देता तत्काळ तेथे जाऊन त्याला उचलले. दारूच्या आहारी गेलेल्या अमोलने पत्नीला कायमचे संपवले. त्यानंतर स्वतःला वाचविण्यासाठी त्याने प्रचंड आटापिटा केला. पण परिमंडळ-6मधील विशेष पोलिसांच्या पथकाने नवी मुंबई, दिल्ली, चेन्नई असा पाठलाग करत त्याला पकडले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.