एमबीबीएसचा पेपर दुसऱ्यांदा फुटला; तातडीने दिली दुसरी प्रश्नपत्रिका

एक आठवडय़ापूर्वी फुटलेल्या एमबीबीएसच्या पेपरची चौकशी सुरू असतानाच 9 डिसेंबर रोजी दुसऱयांदा पेपरफुटीची घटना घडली. हे लक्षात येताच दुसरी प्रश्नपत्रिका देऊन लगेचच पेपर घेण्यात आला. 2 डिसेंबर रोजी फार्माकोलॉजी-1 या विषयाची प्रश्नपत्रिका फुटल्याने पेपर रद्द करण्यात आला. फेरपरीक्षा 19 डिसेंबर रोजी घेण्यात येणार आहे.

दरम्यान, सोमवारी, 9 डिसेंबर रोजी एमबीबीएस द्वितीय वर्षाच्या सी.बी.एम.ई. 2019 या अभ्यासक्रमाच्या पॅथॉलॉजी-2 या विषयाची बहुपर्यायी प्रश्नपत्रिका पेपर सुरू होण्यापूर्वी एक तास आधी फुटली, याबाबतचा ई-मेल विद्यापीठाला प्राप्त झाला. याची दखल घेऊन तातडीने दुसरी प्रश्नपत्रिका देऊन हा पेपर घेण्यात आला. याबाबत म्हसरूळ पोलीस ठाण्यास कळविण्यात आल्याचे विद्यापीठाने प्रसिद्धीपत्रकाद्वारे कळविले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.