भरधाव बोलेरो गाडीने रस्त्याच्या कडेला उभ्या असलेल्या तीन दुचाकींसह सहा नागरिकांना चिरडल्याची घटना नंदुरबारमध्ये घडली. या अपघातात पाच जणांचा मृत्यू झाला तर एकाची प्रकृती चिंताजनक आहे. लोय पिंपळोद गावाजवळ शनिवारी सायंकाळी साडेसहाच्या दरम्यान ही घटना घडली. याप्रकरणी चालकाविरोधात गुन्हा दाखल करण्यात आला असून तिघांना अटक करण्यात आली आहे.
सदर बोलेरो नंदुरबारकडून धानोराकडे चालली होती. गाडीचा वेग अधिक असल्याने चालकाचे वाहनावरील नियंत्रण सुटले. यामुळे हा अपघात घडला. योगेश नाईक, राहुल वळवी, अनिल मोरे, चेतन नाईक, श्रीकृष्ण ठाकरे अशी अपघातात मृत्यू झालेल्यांची नावे आहेत. कृष्णा भिल असे जखमीचे नाव आहे.
अपघातात तिन्ही दुचाकींचा चक्काचूर झाला. तसेच बोलेरो गाडीही उलटली होती. याप्रकरणी उपनगर पोलीस ठाण्यात भारतीय न्याय संहिता 105, 281, 324 (5) सह मोटार वाहन कायदा 184, 134/187 अन्वये गुन्हा दाखल करण्यात आला आहे.
Comment List