भगदाड पडलेल्या रस्त्यावर वृक्षारोपण , प्रभादेवी येथे शिवसेनेकडून अनोख्या पद्धतीने निषेध

ऐन गणेशोत्सवात प्रभादेवी नाका येथील वीर सावरकर मार्ग येथील रस्त्याला भगदाड पडल्याची घटना घडली होती. त्याच ठिकाणी पुन्हा हा रस्ता खचला आहे. या पार्श्वभूमीवर शिवसेनेतर्फे भगदाड पडलेल्या रस्त्यावर वृक्षारोपण करून अनोख्या पद्धतीने पालिकेचा निषेध करण्यात आला.

गणेशोत्सवाच्या काळात प्रभादेवी नाक्यावर ज्या ठिकाणी रस्ता खचला होता त्याच ठिकाणी पुन्हा रस्ता खचला आहे. भिकू बिल्डिंग येथील रहिवासी ऋषिकेश कोरगावकर तसेच वरळी-कोळीवाडा जनता कॉलनी येथील शिवसैनिक जयेंद्र चव्हाण यांनी ही बाब शाखा क्रमांक 193 चे शाखाप्रमुख संजय भगत यांच्या निदर्शनास आणून दिली. शाखाप्रमुख संजय भगत यांनी तातडीने विभागप्रमुख महेश सावंत, सूर्यकांत बिर्जे विनायक देवरुखकर, शैलेश माळी, नितीन भुवड तसेच तन्मय विलनकर यांच्यासह खचलेल्या रस्त्यात वृक्षारोपण करून अनोख्या पद्धतीने निषेध नोंदवला. पालिका प्रशासन मुंबईकरांना आणि या रस्त्यांना कधी गांभीर्याने घेणार असा प्रश्न नागरिकांना पडला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.