महारेराच्या अध्यक्षपदी माजी मुख्य सचिव मनोज सौनिक
महाराष्ट्र स्थावर संपदा नियामक प्राधिकरणाच्या (महारेरा) अध्यक्षपदी राज्याचे माजी मुख्य सचिव मनोज सौनिक यांची नियुक्ती करण्यात आली आहे. सौनिक यांनी आज अध्यक्ष पदाचा पदभार स्वीकारला. गृहनिर्माण मंत्री अतुल सावे यांनी त्यांना मंत्रालयात पद आणि गोपनीयतेची शपथ दिली.
महारेराचे मावळते अध्यक्ष अजोय मेहता यांचा कार्यकाळ 20 सप्टेंबर रोजी संपत आहे. फेब्रवारी 2021मध्ये महाविकास आघाडी सरकारच्या काळात त्यांची महारेराचे अध्यक्ष म्हणून नियुक्ती करण्यात आली होती.
मनोज सौनिक हे 1987च्या बॅचचे सनदी अधिकारी आहेत. 30 एप्रिल 2023 रोजी त्यांनी राज्याचे मुख्य सचिव म्हणून पदभार स्वीकारला होता. आठ महिन्यांनंतर ते नियुक्त झाले. त्यानंतर त्यांना मुख्यमंत्री कार्यालयात प्रधान सल्लागार म्हणून जबाबदारी देण्यात आली होती.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List