नंदुरबारमध्ये ‘मोनालिसा’च्या नातेवाईकांची ‘जत्रा’

महाकुंभमेळ्यातून आकर्षक डोळे आणि अप्रतिम सौंदर्यामुळे मोनालिसा ही रुद्राक्ष विक्रेती तरुणी अचानक प्रसिद्धीच्या झोतात आली. तिला चित्रपटात काम करण्याची संधीही मिळाली आहे. अशातच मोनालिसाची जादू नंदुरबार येथील तोरणमाळ यात्रेतही पाहायला मिळत आहे. या यात्रेत 100 हून अधिक रुद्राक्ष विक्रेते दाखल झाले असून हे विक्रेते आपले मोनालिसाशी नाते असल्याचे सांगून ग्राहकांना आकर्षित करत आहेत.

मोनालिसा ही आपली भाची असल्याचे रुद्राक्ष विक्रेत्या जमनाबाई यांनी सांगितले. तर काहींनी मोनालिसा आपल्या आत्याची मुलगी आहे, मी मोनालिसाची मावशी आहे आणि आम्ही मोनालिसाच्या घराजवळच राहतो, असे सांगून ग्राहकांचे लक्ष वेधले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.