वाल्ह्याजवळ पालखी मैदानावरील झाडे भस्मसात, खोडसाळपणातून गवताला आग; झाडांना झळ

वाल्ह्याजवळ पालखी मैदानावरील झाडे भस्मसात, खोडसाळपणातून गवताला आग; झाडांना झळ

पुरंदर तालुक्यातील वाल्हेनजीक सुकलवाडी येथील श्री संत ज्ञानेश्वर महाराज पालखी मैदानातील गवताला अज्ञात व्यक्तीने आग लावल्याने या आगीत पालखी मैदानातील जवळपास 35 डौलदार झाडे भस्मसात झाली आहेत.

श्री संत ज्ञानेश्वर महाराज पालखी सोहळ्याचा पुणे जिल्ह्यातील शेवटचा मुक्काम येथील भव्य पालखी मैदानात होत असतो.

या पालखी मैदान परिसरात आळंदी देवस्थान सिनेअभिनेते सयाजी शिंदे यांची देवराई संस्था, तसेच बाणेर येथील वसुंधरा अभियान, प्रा. डॉ. दिगंबर दुर्गाडे व उद्योजक राहुल यादव मित्र परिवार यांच्या वतीने जवळपास 400-450 प्रकारची झाडे लावण्यात आली होती. पालखीतळ हरित करण्यासाठी वड, पिंपळ, चिंच, कडुलिंब जांभूळ, करंज, आपटा, गुलमोहर आदी प्रकारची झाडे मोठ्या प्रमाणावर लावण्यात आली आहेत.

पालखी मैदानातील गवताल्या अज्ञात व्यक्तीने आग लावल्याने पालखी मैदानात असलेल्या डौलदार वृक्षांना या आगीची झळ बसली आहे.

मागील पाच वर्षांपासून पावसाळा संपल्यानंतर झाडांचे संगोपन करताना या झाडांना पाण्याची अडचण निर्माण झाली होती. यावर श्रीमंत दगडूशेठ हलवाई ट्रस्ट यांनी तोडगा काढून, श्रीमंत दगडूशेठ हलवाई गणपती ट्रस्टने दर गुरुवारी दोन टँकरच्या माध्यमातून झाडांना पाणीपुरवठा करण्याची जबाबदारी स्वीकारली होती.

ट्रस्टच्या माध्यमातून पाण्यासाठी दोन टँकर मागील पाच वर्षांपासून उपलब्ध करून देण्यात आले असल्याने वाल्हे ग्रामपंचायतीचे कर्मचारी, व वृक्षसंवर्धन ग्रुपचे सदस्य, अमोल दुर्गाडे, महेश भुजबळ, संतोष दुर्गाडे, योगेश दुर्गाडे, पवन दुर्गाडे सागर दुर्गाडे, महेंद्र भुजबळ, आकाश जगताप, सनी दुर्गाडे, मयुर भुजबळ, मयुरेश दुर्गाडे, करण खोमणे तसेच ग्रामपंचायत कर्मचारी गणेश गंगावणे, मोतीराम भोसले तसेच श्रीमंत दगडूशेठ हलवाई ट्रस्टचे टँकरचालक सुरेश पवार, प्रवीण शिंदे आदी पालखी मैदानामधील झाडांना पाणी देण्याचे काम करत आहेत. त्यामुळे येथील झाडे चांगल्या प्रकारे वाढत असून, मागील अनेक वर्षांपासून, ओसाड दिसत असलेल्या माळावर आता हिरवीगार झाडे आनंदाने डोलत आहेत.

मात्र, काही अज्ञात व्यक्तींकडून खोडसाळपणातून पालखी मैदानातील वाळलेल्या गवताला आग लावण्यात येत असल्याने येथील डौलदार वृक्षांचे नुकसान होत आहे. त्यामुळे आग लावणाऱ्या अज्ञात व्यक्तींचा प्रशासनाने बंदोबस्त करावा, अशी मागणी वृक्ष संवर्धन ग्रुपकडून होत आहे.

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

Kolhapur News – पन्हाळ्यावर मुख्यमंत्र्यांच्या कार्यक्रमाच्या ठिकाणी आढळला साप Kolhapur News – पन्हाळ्यावर मुख्यमंत्र्यांच्या कार्यक्रमाच्या ठिकाणी आढळला साप
ऐतिहासिक पन्हाळा किल्ल्यावर “पन्हाळगडचा रणसंग्राम, पन्हाळ गडावरून सुटका” लघुपट व 13 डी थिएटरचा शुभारंभ सायंकाळी उशिरा मुख्यमंत्री देवेंद्र फडणवीस यांच्या...
Santosh Deshmukh Case – अशी वेळ इतर कुणावरही येऊ नये, यात कुणाचा हात आहे त्याला शिक्षा दिली पाहिजे, वैभवी देशमुखची सरकारकडे मागणी
मोठी बातमी! शिवसेना ठाकरे गटाला एकनाथ शिंदेंचा मोठा धक्का; एकाचवेळी चार बडे नेते सोडणार उद्धव ठाकरेंची साथ
IPS अधिकाऱ्याची सावत्र मुलगी अन् अभिनेत्री सोन्याच्या तस्करीत, 13 कोटींचे सोने जप्त, बॉलीवूड स्टाईलने तस्करी
राज्यातील 58, 394 शिक्षकेतर कर्मचाऱ्यांवर आर्थिक संकट, अजूनही मिळाले नाही अनुदान
राज्यातील 8 IAS अधिकाऱ्यांच्या बदल्या, पाहा कोणाची कुठे झाली नियुक्ती…
Video – मुंबईने सर्वधर्मीयांच्या पोटाची काळजी घेतली – भास्कर जाधव