पालिका शाळांची ICSE, CBSE ची पहिली फळी बोर्डाच्या परीक्षेला बसणार, आदित्य ठाकरेंनी दिल्या शुभेच्छा

Aaditya Thackeray on Mumbai public School Board Exam – पालिकेच्या विद्यार्थ्यांना दर्जेदार शिक्षण मिळावे यासाठी आदित्य ठाकरे (Aaditya Thackeray) यांच्या संकल्पनेतून सुरू झालेल्या महापालिकेच्या ICSE, CBSE बोर्डाच्या शाळांमधील पहिली फळी ही यंदा बोर्डाच्या परीक्षेला बसणार आहे. त्या विद्यार्थ्यांना शिवसेना (उद्धव बाळासाहेब ठाकरे) पक्षाचे नेते, युवासेनाप्रमुख, आमदार आदित्य ठाकरे (Aaditya Thackeray) यांनी शुभेच्छा दिल्या आहेत.

We introduced the ICSE and CBSE boards in BMC schools, along with the IB and IGCSE boards, with an intent to be able to give the best possible education opportunities to every girl and boy in Mumbai.

With great joy, pride and a sense of hope I read this news and look forward to… pic.twitter.com/LYtxqExQIH

— Aaditya Thackeray (@AUThackeray) January 29, 2025

आदित्य ठाकरे यांनी ट्विट करत विद्यार्थ्यांना शुभेच्छा दिल्या. ”आम्ही मुंबई महानगरपालिका शाळांमध्ये ICSE आणि CBSE बोर्डसोबत IB आणि IGCSE बोर्डही सुरू केले, जेणेकरून मुंबईतील प्रत्येक मुलाला आणि मुलीला उत्तम शैक्षणिक संधी मिळेल. या विद्यार्थ्यांना परीक्षा देताना पाहण्यास मी उत्सुक आहे. आज मला खूप आनंद, अभिमान वाटतोय. BMC च्या मुंबई पब्लिक स्कूल्स या देशातील कोणत्याही महापालिकेच्या शाळांमधील एकमेव शाळा आहेत जिथे इतक्या विविध प्रकारच्या शैक्षणिक बोर्डांतर्फे शिक्षण दिले जाते. 2011 ते 2022 मधील सर्व शिक्षण समिती, NGO संस्था, शिक्षणतज्ज्ञ आणि बीएमसी अधिकारी यांच्या पाठिंब्याबद्दल मी सदैव कृतज्ञ आहे”, असे आदित्य ठाकरे यांनी ट्विट केले आहे.