शिवसेना (उद्धव बाळासाहेब ठाकरे) पक्षाचा प्रत्येक शिवसैनिक हिंदुत्वाचा रक्षणकर्ता आहे. शिवसैनिक हिंदुत्व जपणारा आहे. आम्ही हिंदुत्व सोडलेले नाही. याउलट भाजपनेच हिंदुत्वाचा बाजार मांडल्याची जळजळीत टीका विधान परिषदेचे विरोधी पक्षनेते- शिवसेना नेते अंबादास दानवे यांनी केली. कर्जत येथील संवाद मेळाव्यात ते बोलत होते.
कर्जत येथील शिवालय कार्यालयात शिवसैनिकांसाठी संवाद मेळावा आयोजित केला होता. यावेळी बोलताना अंबादास दानवे म्हणाले, पराभवाने खचून न जाता पुन्हा कामाला लागा. शिवसैनिक हा संघर्षातून पुढे आलेला आहे. त्यामुळे जय पराजयापेक्षा लोकहिताची कामे आम्ही करतच राहू. आपल्याला भाजपसारखी बोगस मतदार नोंदणी करायची नाही. भाजप खोटारडी पार्टी आहे. आमचे हिंदुत्व प्रामाणिक आहे. गद्दार लोकांना फक्त आर्थिक गोष्टीत रस असतो असे म्हणत त्यांनी मिंधेंवरही निशाणा साधला.
एसटी तिकीट दरवाढ मागे घेण्यासाठी सरकारला भाग पाडू आणि सामान्य जनतेला न्याय देऊ असा विश्वासही दानवे यांनी व्यक्त केला. यावेळी जिल्हा संपर्कप्रमुख प्रसाद भोईर, रायगड उपजिल्हाप्रमुख नितीन सावंत, महिला जिल्हा संघटक सुवर्णा जोशी, कर्जत तालुकाध्यक्ष उत्तम कोळंबे, खालापूर तालुका अध्यक्ष एकनाथ पिंगळे, बाबू घारे, भीमसेन बडेकर उपस्थित होते.
आमदार होऊनही मिंधेंच्या गावात सुतक
मिंधे गटाचे कर्जतचे आमदार महेंद्र थोरवे यांच्यावर अंबादास दानवे यांनी निशाणा साधला. गद्दार निवडून आले, परंतु गावात सुतक पडल्यासारखे वातावरण आहे. त्यांना साधी मिरवणूक काढता आलेली नाही की कोणी त्यांची ओवाळणी केली नाही असे म्हणत थोरवे यांचा दानवे यांनी समाचार घेतला.
Comment List