उत्तर प्रदेशातील प्रयागराजमध्ये सुरू असलेल्या महाकुंभमेळ्यात आत्तापर्यत अनेक सेलिब्रेटींनी हजेरी लावली. अशातच बोल्ड आणि वादग्रस्त अभिनेत्री पूनम पांडे देखील प्रयागराजमध्ये सुरू असलेल्या महाकुंभ मेळ्यात पोहोचली आहे. पूनमने मौनी अमावस्येच्या दिवशी पवित्र संगमात स्नान केलं. संगम घाटावर गंगेत डुबकी मारतानाचे काही फोटोही पूनमने शेअर केले आहेत.
महाकुंभात स्नान केल्यानंतर पूनम पांडेने सोशल मीडियावर अनेक फोटो व्हिडीओ शेअर केलेत. हे फोटो शेअर करताना पूनमने ‘माझी सर्व पापं धुऊन गेली आहेत’, असे कॅपशन दिले आहे. पूनम पांडेच्या या फोटोंवर मजेदार कमेंट्सही पाहायला मिळत आहेत. नेहमी बोल्ड स्टायलिश अवतारात असणाऱ्या पूनम पांडेला अध्यात्मिक अवतारात पाहून चाहते देखील अवाक झाले आहेत.
अनेक कलाकारांची महाकुंभात हजेरी
आत्तापर्यत अनेक कलाकारांनी महाकुंभला हजेरी लावली. मात्र, लक्ष वेधलं ते अभिनेत्री ममता कुलकर्णीने. 90 च्या दशकातील सुप्रसिद्ध अभिनेत्री म्हणून नावाजल्या जाणाऱ्या ममता कुलकर्णीने महाकुंभमेळ्यात येऊन संन्यास घेतला आणि किन्नर आखाड्याचे महामंडलेश्वर बनली. याशिवाय प्रसिद्ध बॉलिवूड अभिनेते अनुपम खेर हे देखिल प्रयागराजला पोहोचले. याशिवाय, रेमो डिसूझा, गुरु रंधावा, सपना चौधरी आणि अदा शर्मा सारखे स्टार देखील संगममध्ये डुबकी मारताना दिसले.
About The Author
Comment List