उत्तर प्रदेशातील प्रयागराज येथे महाकुंभमेळा सुरू आहे. या ठिकाणी छोटय़ा छोटय़ा व्यावसायिकांना कमाई करण्याची संधी आहे. त्यामुळे हजारो बेरोजगार तरुण या ठिकाणी आले आहेत. ते आपली शक्कल लढवून कमाई करण्याचा प्रयत्न करत आहेत, परंतु एका बॉयफ्रेंडला गर्लफ्रेंडच्या आयडियाने मोठा फायदा मिळवून दिला आहे.
गर्लफ्रेंडचे ऐकून बॉयफ्रेंडने सुरू केलेल्या छोटय़ा व्यवसायामुळे त्याला अवघ्या पाच दिवसांत 40 हजार रुपये मिळाले आहेत. त्रिवेणी संगम किनारी सकाळी लोकांना दात स्वच्छ करण्यासाठी कडुलिंबाच्या काडय़ा विकण्याचा बिझनेस या तरुणाने सुरू केला आहे. कडुलिंबाच्या काडय़ा विकण्याचा त्याचा पाचवा दिवस आहे. त्याने अवघ्या पाच दिवसांत 30 ते 40 हजार रुपयांची कमाई केली आहे. महाकुंभमेळ्यात 9 ते 10 हजार माल विकला जात आहे, असे या तरुणाचे म्हणणे आहे. तुम्ही जितकी जास्त मेहनत घ्याल, तितका तुम्हाला फायदा होईल, असेही या तरुणाने म्हटले आहे.
एक रुपयाचीही गुंतवणूक नाही
गर्लफ्रेंडच्या सांगण्यावरून या तरुणाने महाकुंभमध्ये हा नवा धंदा सुरू केला आहे. महाकुंभमध्ये लाखो भाविक दाखल झाले आहेत. त्यांना रोज सकाळी दात स्वच्छ करण्यासाठी कडुलिंबाच्या काडय़ा हव्या आहेत. या कामासाठी एक पैसाही गुंतवणूक केली नाही. कडुलिंबाच्या झाडापासून फुकट काडय़ा तोडून आणायच्या आणि महाकुंभमेळ्यात विकायचे. यातून चांगली कमाई होत आहे. माझ्या गर्लफ्रेंडवर मी खूप प्रेम करतो. तिच्या आयडियामुळे मी आज चांगले पैसे कमावत आहे, असे या तरुणाने सांगितले.
Comment List