ऊसतोडणीसाठी गेलेल्या महिलांवर काळाचा घाला, कारची रिक्षाला धडक; दोघींचा मृत्यू तर 15 जखमी

ऊसतोडणी करून घरी परतत असताना महिलांच्या रिक्षाला कारने धडक दिल्याने दोघींचा दुर्दैवी मृत्यू झाला. या अपघातात 15 महिला जखमी झाल्या आहेत. चंद्रपुरमधील वरोरा तालुक्यातील येन्सा येथे रविवारी सायंकाळी ही घटना घडली. जखमी महिलांना उपचारासाठी रुग्णालयात दाखल करण्यात आले आहे.

मिळालेल्या माहितीनुसार, वरोरा येथील मजूर महिला रामपूर येथे ऊसतोडणीसाठी गेल्या होत्या. ऊसतोडणीचं काम झाल्यानंतर सायंकाळी रिक्षाने सर्वजणी घरी परतत होत्या. यावेळी येन्सा गावाजवळ बौद्ध भिक्षुकांच्या कारने त्यांच्या रिक्षाला जोरदार धडक दिली.

धडक इतकी भीषण होती की यात रंजना झुंजूरकर आणि सविता बुरटकर या महिलांचा जागीच मृत्यू झाला. तर अन्य 15 जणी जखमी झाल्या. जखमींपैकी एका महिलेची प्रकृती चिंताजनक आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.