न्यू इंडिया अॅशुरन्स पंपनीमध्ये ‘असिस्टंट’ आणि स्टेट बँक ऑफ इंडियामध्ये ‘ज्युनियर असोसिएट्स’ पदाकरिता नोकरभरती होणार आहे. या नोकरभरतीमध्ये स्थानिक भूमिपुत्रांना प्राधान्य दिले पाहिजे, यासाठी स्थानीय लोकाधिकार समिती महासंघ प्रयत्नशील आहे. याच हेतूने महासंघातर्फे नोकरभरतीपूर्व परीक्षेचे ऑनलाईन व ऑफलाईन प्रशिक्षण वर्ग घेण्यात येणार आहेत.
इच्छुक उमेदवारांनी संकेतस्थळावर ऑनलाईन अर्ज करावयाचा आहे. या माध्यमातून अधिकाधिक भूमिपुत्रांनी अर्ज करावेत, असे आवाहन महासंघाने केले आहे. महासंघाचे अध्यक्ष, शिवसेना सचिव, शिवसेना नेते-खासदार अनिल देसाई, कार्याध्यक्ष-आमदार विलास पोतनीस, आमदार सुनील शिंदे, महासंघ सरचिटणीस प्रदीप मयेकर यांच्या सूचनेनुसार नोकरभरतीपूर्व परीक्षेचे ऑनलाईन-ऑफलाईन प्रशिक्षण वर्ग घेण्यात येणार आहेत. याबाबत अधिक माहितीसाठी शिवसेनाप्रणीत स्थानीय लोकाधिकार समिती महासंघ कार्यालय, शिवसेना भवन, पहिला मजला येथे रविवार व सुट्टीचे दिवस वगळून सायंकाळी 6.30 ते 8.30 या वेळेत चिटणीस शरद एक्के (9892699215) श्रीराम विश्वासराव (9869588469) विलास जाधव (9619118999) यांच्याशी संपर्क साधावा, असे महासंघाचे चिटणीस व प्रशिक्षण वर्गप्रमुख उमेश नाईक यांनी कळवले आहे.
Comment List