अजित पवारांनी एकनाथ शिंदे यांचं महत्त्व कमी केलं, अंबादास दानवे यांची टीका

बीडमध्ये एका सरपंचाची हत्या होते, राज्यात एक सरपंच सुरक्षित नसेल तर सामान्य माणसाचं काय अशी टीका शिवसेना (उद्धव बाळासाहेब ठाकरे) पक्षाचे आमदार अंबादास दानवे यांनी केली आहे. तसेच अजित पवार यांनी महायुतीत एकनाथ शिंदे यांचं महत्त्व कमी केलं असेही दानवे म्हणाले.

आज माध्यमांशी बोलताना अंबादास दानवे म्हणाले की, अजित पवारांनी भाजपला पाठिंबा देऊन एकनाथ शिंदे यांचे महत्त्व कमी केलं. एकनाथ शिंदे यांचं सरकार असो वा नसो भाजपचं सरकार येणार हे स्पष्ट झालं होतं. तसेच बीडमध्ये सरपंचाची हत्या झाली, यावर दानवे म्हणाले की ज्या राज्यात एखादा सरपंच सुरक्षित नसेल तर एखादा सामान्य माणूस सुरक्षित असेल का? लोकांनी गप्प बसायचं का अशी परिस्थिती राज्यात अनेक ठिकाणी निर्माण झाली आहे असेही दानवे म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.