माघारीची मुदत संपताच राज्यातील लढतींचे चित्र आता स्पष्ट झाले असून शिवसेना पक्षप्रमुख उद्धव ठाकरे उद्या सकाळी 11 वाजता कोल्हापूर येथे अंबामातेचे दर्शन घेऊन झंझावाती प्रचाराचा श्रीगणेशा करणार आहेत. उद्यापासून एक आठवडय़ाचा हा दौरा असणार आहे. दौऱयाच्या पहिल्या दिवशी कोल्हापुरातील राधानगरी आणि त्यानंतर रत्नागिरीत उद्धव ठाकरे यांची तोफ धडाडणार आहे.
पहिल्या टप्प्यात उद्धव ठाकरे राधानगरी, रत्नागिरी, राजापूर, भिवंडी ग्रामीण, दर्यापूर, तिवसा, बडनेरा, बाळापूर, बुलढाणा, मेहकर, परतूर, हिंगोली, कळमनुरी, परभणी, गंगाखेड, सांगोला, सोलापूर दक्षिण या मतदारसंघांचा दौरा करणार आहेत. यानिमित्ताने शिवसैनिकांमध्ये जबरदस्त उत्साह संचारला असून मशालीचे तेज सर्वत्र पाहायला मिळत आहे.
राधानगरी मतदारसंघातील आदमापूर येथे उद्धव ठाकरे यांची सभा होईल.
रत्नागिरी शहरातील साळवी स्टॉप जलतरण तलाव येथील मैदानावर उद्धव ठाकरे यांची सभा होणार आहे.
आज
स्थळ – राधानगरी विधानसभा (आदमापूर)
वेळ – दुपारी 12.30 वाजता
स्थळ – रत्नागिरी (रत्नागिरी व राजापूर विधानसभा)
वेळ – सायंकाळी 6 वाजता
Comment List