केजरीवाल मुख्यमंत्री निवास रिकामे करणार
दिल्लीचे माजी मुख्यमंत्री आणि आपचे राष्ट्रीय संयोजक अरविंद केजरीवाल यांच्यासाठी नवी दिल्लीतील मंडी हाऊस भागातील निवास निश्चित करण्यात आले आहे. या पार्श्वभूमीवर ते 4 ऑक्टोबरला फ्लॅगस्टाफ रोडवरील मुख्यमंत्री निवास रिकामे करून नवीन घरात स्थलांतरित होणार आहेत, अशी माहिती आम आदमी पार्टीने आज दिली. याआधी केजरीवाल यांनी नवरात्रोत्सवाच्या काळात मुख्यमंत्री निवास रिकामे करणार असल्याचे म्हटले होते. दरम्यान, मुख्यमंत्री होण्यापूर्वी केजरीवाल गाझियाबादच्या काwशांबी भागात राहत होते. केजरीवाल यांनी सप्टेंबरच्या सुरुवातीला दिल्लीच्या मुख्यमंत्रीपदाचा राजीनामा दिला होता. मी लिटमस चाचणीसाठी राजीनामा दिला असून जोपर्यंत लोक मला प्रामाणिकपणाचे प्रमाणपत्र देत नाहीत तोपर्यंत मी पदावर परतणार नाही, असे ते म्हणाले होते.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List