गेल्या काही दिवसात अटल सेतूवरून उडी घेत जीवन संपवण्याच्या घटनांमध्ये वाढ झाली आहे. अटल सेतूवर कार उभी करत आणखी एकाने आपली जीवनयात्रा संपवली. फिलीप शहा असे मयत व्यक्तीचे नाव असून मानसिक तणावातून त्यांनी हे कृत्य केल्याचे तपासात निष्पन्न झाले. याप्रकरणी न्हावा शेवा पोलीस ठाण्यात मृत्यूची नोंद करण्यात करण्यात आली आहे.
माटुंगा येथील रहिवासी असलेले फिलीप शहा हे बुधवारी सकाळी 9 वाजण्याच्या सुमारास अटल सेतूवर पोहचले. त्यांनी अटल सेतूवर आपली होंडा सिटी कार उभी केली, मग थेट समुद्रात उडी घेतली. शहा हे काही दिवसांपासून व्यावसायिक तणावात असल्याचे त्यांच्या पत्नीने सांगितले.
अटल सेतूवर कार उभी करताच न्हावा शेवाचे पोलीस निरीक्षक अंजुम बागवान यांनी मुंबईतील कंट्रोल रुमला याबाबत माहिती दिली. त्यांनी समुद्रात गस्ती घालणाऱ्या पथकाला माहिती दिल्यानंतर तात्काळ घटनास्थळी धाव घेत त्यांनी शहा यांना बाहेर काढले.
शहा यांना तात्काळ रुग्णालयात नेण्यात आले. मात्र डॉक्टरांनी त्याला मृत घोषित केले. कारमध्ये आढललेल्या आधार कार्डवरून पोलिसांनी त्यांची ओळख पटवली. यानंतर शहा यांच्या कुटुंबीयांना घटनेची माहिती देण्यात आली. नवी मुंबईत एका सार्वजनिक कार्यक्रमात सहभागी होण्यास जात असल्याचे शहा यांच्या पत्नीने सांगितले.
Comment List