आरोग्य व स्वच्छतेचा प्रसार करणाऱ्या 31 व्या ‘माता यशोदा आरोग्य अंकाचे’ प्रकाशन मुंबईचे विशेष पोलीस आयुक्त देवेन भारती यांच्या हस्ते नुकतेच भायखळा येथील हेरिटेज सभागृहात संपन्न झाले. आरोग्य व सामाजिक क्षेत्रात ‘माता यशोदा’च्या माध्यमातून श्रीकृष्ण हरचांदे यांचे सुरू असलेले काम गौरवास्पद असल्याचे देवेन भारती यावेळी म्हणाले.
श्रीकृष्ण हरचांदे यांच्या नेतृत्वाखाली समाजप्रबोधनाच्या हेतूने प्रकाशित करण्यात येणाऱ्या या अंकात महाराष्ट्रातील नामवंत डॉक्टर्स विविध आजारांबाबतची माहिती व प्रतिबंधात्मक उपाय याबाबतचे विचार लेखातून मांडत असतात. अंकाच्या प्रकाशन सोहळय़ावेळी उद्योजक नवीन मडीया, डॉ. रेखा डावर, डॉ. गुस्ताद डावर, आमदार अॅड. आशीष शेलार, विनोद शेलार, माता यशोदाच्या अरुणा हरचांदे, डॉ. पिनाकिन गुजर यांची उपस्थिती होती.
Comment List